📰 નવસારી કલેક્ટરશ્રીના હસ્તે છ માસના બાળકનું દત્તક સોપાણ!!

નવસારી જિલ્લાના ચીખલી તાલુકામાં આવેલી સ્પેશિયલ એડોપ્શન એજન્સી, ખૂંધ માં સંભાળ મેળવી રહેલા છ માસના બાળક ને ભારત સરકાર દ્વારા કાર્યરત સેન્ટ્રલ એડોપ્શન રિશોર્સ ઓથોરિટી (CARA) હેઠળ રજીસ્ટર થયેલ બેંગલોરના દત્તક ઇચ્છુક દંપતીને પ્રિ-એડોપ્શન ફોસ્ટર કેર માં સોંપવામાં આવ્યું છે.

આ સમારોહ દરમિયાન નવસારી જિલ્લાના કલેક્ટરશ્રી ક્ષિપ્રા આગ્રે ના હસ્તે બાળકને દત્તક આપવાની પ્રક્રિયા પૂર્ણ કરવામાં આવી હતી. આ પ્રસંગે મહિલા અને બાળ સુરક્ષા અધિકારીશ્રી પણ ઉપસ્થિત રહ્યા હતા અને દત્તક માતા-પિતા સહ પરિવારને શુભેચ્છાઓ પાઠવી હતી.

દત્તક લેતા દંપતીના ચહેરા પર ખુશી અને સંતોષ જોવા મળ્યો હતો. બાળકના નવા જીવનની શરૂઆત માટે તમામ અધિકારીઓ અને અધિકૃત સંસ્થાઓએ શુભકામનાઓ પાઠવી હતી.

➡️ લોકેશન: નવસારી
➡️ અહેવાલ: આરીફ શેખ