📰 પાંડેસરા: મારુતિ ઇન્ડસ્ટ્રીયલમાં ભીષણ આગ, લાખો રૂપિયાનું નુકસાન!

📌 સુરત: પાંડેસરા વિસ્તારમાં આવેલા મારુતિ ઇન્ડસ્ટ્રીયલના પહેલા માળે ગાદલાના ગોડાઉનમાં મોડી રાત્રે ભીષણ આગ લાગવાની ઘટના સામે આવી છે. આગ એટલી તીવ્ર હતી કે થોડા જ સમયમાં ગોડાઉનનો મોટો હિસ્સો આગની ચપેટમાં આવી ગયો.

ફાયર વિભાગને જાણ થતા જ ટીમ તાત્કાલિક ઘટના સ્થળે પહોંચી હતી અને કલાકોની જહેમત બાદ આગ પર કાબૂ મેળવ્યો હતો. પ્રાથમિક અહેવાલો મુજબ આ આગમાં લાખો રૂપિયાનું નુકસાન થવાની આશંકા છે. હાલ આગ લાગવાનું ચોક્કસ કારણ અકબંધ છે અને ફાયર વિભાગે વધુ તપાસ શરૂ કરી છે. 🔥🚒