📰 ભાવનગર: ઇંગ્લીશ દારૂના ગેરકાયદેસર ધંધામાં સંડોવાયેલા બુટલેગરને પાસા હેઠળ અટકાયત!

📌 ભાવનગર: ભાવનગરમાં ઇંગ્લીશ દારૂની ગેરકાયદેસર પ્રવૃતિઓમાં સંડોવાયેલ પ્રવિણભાઈ ઉર્ફે બાડો શામજીભાઈ રાઠોડ (ઉંમર 52, રહે. ઉત્તર કૃષ્ણનગર, આનંદનગર રોડ, ભાવનગર) ને પાસા (પ્રિવેન્ટિવ ડિટેન્શન એક્ટ) હેઠળ અટકાયત કરવામાં આવી છે.

ભાવનગર રેન્જના પોલીસ મહાનિરીક્ષક ગૌતમ પરમાર સાહેબ તથા પોલીસ અધિક્ષક ડો. હર્ષદ પટેલ સાહેબના માર્ગદર્શન હેઠળ લોકલ ક્રાઇમ બ્રાન્ચે ગેરકાયદેસર દારૂ ધંધા અને અસામાજિક પ્રવૃતિઓમાં સંડોવાયેલા ઈસમો વિરુદ્ધ કડક કાર્યવાહી હાથ ધરી છે.

આ મામલે પોલીસ ઇન્સ્પેક્ટર એ.આર. વાળા દ્રારા પ્રવિણભાઈ વિરુદ્ધ પાસા હેઠળ દરખાસ્ત તૈયાર કરી જીલ્લા મેજીસ્ટ્રેટ, ભાવનગર પાસે મોકલી હતી. મેજીસ્ટ્રેટે દરખાસ્ત માન્ય રાખતા પાસા વોરંટ ઈશ્યુ કર્યો હતો. વોરંટની બજવણી બાદ પ્રવિણભાઈને વડોદરા મધ્યસ્થ જેલમાં મોકલી આપવામાં આવ્યા છે.

✔️ આ કાર્યવાહીથી ગેરકાયદેસર દારૂ ધંધા અને અસામાજિક પ્રવૃત્તિઓ પર લગામ લાગવાની આશા છે. 🚓👮‍♂️

અહેવાલ : સતાર મેતર ભાવનગર