📰 ભાવનગર ક્રાઇમ બ્રાન્ચની મોટી કાર્યવાહી : ૪૮૦ બોટલ ઇંગ્લીશ દારૂ અને ફોર વ્હીલ ગાડી સાથે આરોપીની ધરપકડ!!

ભાવનગર : ભાવનગર લોકલ ક્રાઇમ બ્રાન્ચે પ્રોહીબિશન કાયદા હેઠળ મોટી કાર્યવાહી હાથ ધરી છે. પોલીસે ૪૮૦ બોટલ ભારતીય બનાવટના ઇંગ્લીશ દારૂનો જથ્થો અને ફોર વ્હીલ ગાડી સાથે એક આરોપીની ધરપકડ કરી છે. કુલ રૂ. ૪,૦૬,૧૦૦/- ના મુદ્દામાલ સાથે આરોપી વિરૂદ્ધ કાયદેસરની કાર્યવાહી હાથ ધરવામાં આવી છે.

✅ દારૂની હેરાફેરી અંગે ચોક્કસ બાતમી

ભાવનગર રેન્જના પોલીસ મહાનિરીક્ષક ગૌતમ પરમાર સાહેબ અને પોલીસ અધિક્ષક ડૉ. હર્ષદ પટેલ સાહેબ ના સુચનાથી ભાવનગર શહેર અને ગ્રામ્ય વિસ્તારમાં દારૂ અને જુગારની ગેરકાયદેસર પ્રવૃત્તિઓને રોકવા માટે લોકલ ક્રાઇમ બ્રાન્ચને ચુસ્ત કાર્યવાહી કરવાનો આદેશ આપવામાં આવ્યો હતો.

તા. ૧૮/૦૩/૨૦૨૫ ના રોજ, ભાવનગર પેરોલ ફર્લો સ્કવોડના સ્ટાફ પેટ્રોલિંગમાં હતા. તે દરમિયાન ખાનગી બાતમીદારે માહિતી આપી કે,

“સાબીર હબીબભાઇ હોથી (રહે. કુંભારવાડા, ભાવનગર) એક સફેદ કલરની ઇકો ગાડી (રજી. નં. GJ-01-RD-6209) માં ગેરકાયદેસર ભારતીય બનાવટનો ઇંગ્લીશ દારૂ ભરાવીને વેંચાણ માટે બાવળીયાળીથી ભાવનગર તરફ આવી રહ્યો છે.”

🚔 પોલીસની ઝડપી કાર્યવાહી

બાતમી આધારે, લોકલ ક્રાઇમ બ્રાન્ચે ભાવનગર-અમદાવાદ રોડ પર નિરમા ચોકડી પાસે વોચ ગોઠવી. બાતમી મુજબની ફોર વ્હીલ ગાડી આવતાં જ તેને અટકાવી તપાસ કરવામાં આવી. ગાડીની તપાસ દરમિયાન નીચે મુજબનો દારૂનો જથ્થો મળ્યો :

• મેજિક મોમેન્ટ્સ રોમિક્સ પ્રીમિયમ ફ્લેવર્ડ વોડકા ઓરેન્જ (180ml) – નંગ : 480 (કિંમત : ₹1,05,600)
• મારૂતિ સુઝુકી ઇકો ફોર વ્હીલ ગાડી (રજી. નં. GJ-01-RD-6209) – કિંમત : ₹3,00,000
• મોબાઇલ ફોન – નંગ : 1 (કિંમત : ₹500)
• આર.સી. બુક – કિંમત : ₹0

કુલ મુદ્દામાલ : ₹4,06,100 નો કબ્જો લેવામાં આવ્યો.

👤 આરોપીઓના નામ અને ઇતિહાસ

પોલીસે તાત્કાલિક ગાડી ચલાવનાર સાબીર હબીબભાઇ હોથી (ઉમર : 28, રહે. કુંભારવાડા, ભાવનગર) ની ધરપકડ કરી હતી. આરોપી સામે અગાઉ પણ ગેરકાયદેસર દારૂના કિસ્સાઓ નોંધાયેલા છે :

• નર્મદા, સાગબારા પોલીસ સ્ટેશન – ગુ.નં. 11823021240960/2024 (પ્રોહી. કલમ – 65(એ)(ઇ), 116(બી), 81, 98(2))

બીજો આરોપી ઇમરાન ઉર્ફે બોબડો હારૂનભાઇ કાલવા (રહે. માણેકવાડી, ભાવનગર) ફરાર છે. તેની ધરપકડ માટે પોલીસ દ્વારા તલાસ હાથ ધરવામાં આવી છે.

👨‍⚖️ આરોપી વિરુદ્ધ કાયદેસર કાર્યવાહી

પોલીસે આરોપી વિરુદ્ધ વેળાવદર ભાલ પોલીસ સ્ટેશન માં પ્રોહીબિશન કાયદા હેઠળ ગુનો નોંધ્યો છે. ગુનો નોંધ્યા બાદ આરોપીને રિમાન્ડ માટે કોર્ટમાં હાજર કરવામાં આવ્યો છે. પોલીસ હવે આરોપી સાથે સંકળાયેલા અન્ય શખ્સોની તપાસ કરી રહી છે.

🏆 લોકલ ક્રાઇમ બ્રાન્ચની મોટી સફળતા

લોકલ ક્રાઇમ બ્રાન્ચે માત્ર થોડા સમયમાં જ દારૂના મોટા જથ્થા સાથે આરોપીની ધરપકડ કરીને મોટી સફળતા મેળવી છે. ક્રાઇમ બ્રાન્ચની આ ઝડપી કામગીરીથી ગેરકાયદેસર દારૂના વેપારીઓમાં ભયનું માહોલ સર્જાયું છે. पुलिस હવે આરોપી સાથે સંકળાયેલા અન્ય તત્વો પર પણ કાર્યવાહી કરવાની તૈયારીમાં છે.

👉 આ મામલે વધુ તપાસ ચાલી રહી છે.

અહેવાલ : સતાર મેતર ભાવનગર