📰 ભાવનગર: દોઢ વર્ષથી વણશોધાયેલ હત્યાના ગુન્હાનો ભેદ ઉકેલી પતિ-પત્ની ઝડપાયા!

📌 ભાવનગર: ભાવનગર જીલ્લાના વરતેજ પોલીસ સ્ટેશનમાં દોઢ વર્ષથી પેન્ડિંગ હત્યાના કેસનો ભેદ ઉકેલવામાં પોલીસને મોટી સફળતા મળી છે. પેરોલ ફર્લો સ્કવોડની ટીમે આ ગુન્હામાં સંડોવાયેલા પતિ-પત્નીને ઝડપી પાડી દોષારોપણ કબૂલ કરાવ્યું છે.

🔎 ગુન્હાનો વિગતવાર પ્રકરન:
દોઢ વર્ષ પહેલા સીદસર ગામ, રણદેવી આશ્રમ પાસે, હીલપાર્ક જવાના રસ્તા પર કૃષ્ણકુમારસિંહજી યુનિવર્સીટીના ગેટ નંબર-03ની સામે, બાવળની ઝાડીઓમાં 40 થી 60 વર્ષના અજાણ્યા સ્ત્રીના મરણ પામેલા શરીર મળ્યું હતું. તપાસમાં જાણવા મળ્યું કે, મૃતક સ્ત્રીને કપડાથી ગળેટુંપો આપી હત્યા કરવામાં આવી હતી અને પછી લાશને ડ્રેનેજના મેનહોલમાં નાખી સિમેન્ટના ઢાંકણથી ઢાંકી દેવામાં આવી હતી.

👮‍♂️ તપાસ અને આરોપીની ધરપકડ:

• પેરોલ ફર્લો સ્કવોડની ટીમે CCTV ફૂટેજ, ટેકનિકલ પુરાવા અને હ્યુમન ઇન્ટેલિજન્સના આધારે આરોપીઓને શોધી કાઢ્યા.
• આરોપીઓ પતિ-પત્ની ભિક્ષાવૃતિ કરતા હતા અને મૃતક તેમના ફુઇ (કાકીની બહેન) હોવાની માહિતી સામે આવી.
• પતિએ કબૂલાત કરી કે, પૈસાની જરૂરિયાત માટે તેમણે પોતાના ફુઇ પાસે પૈસા માગ્યા, પણ ન મળતા ચા માં ધતરાના બીનો પાઉડર ભેળવી, તેમને અર્ધબેભાન કરી ગળેટુંપો આપી મારી નાખ્યા હતા.

👥 પકડાયેલા આરોપીઓ:

1. રણજીતભાઈ ઉર્ફે કાળુ ગોવિંદભાઈ બારૈયા (ઉ.વ. 36, રહે. રીંગ રોડ, ભાવનગર)
2. કંચનબેન રણજીતભાઈ બારૈયા (રણજીતભાઈની પત્ની, રહે. રીંગ રોડ, ભાવનગર)

⚖️ આરોપીનો ગુન્હાહિત ઇતિહાસ:

• NDPS એક્ટ, GP એક્ટ, અને જુગાર ધારા હેઠળ અગાઉના 6 ગુન્હાઓમાં આરોપી રણજીતભાઈ સામે કેસ નોંધાયેલા છે.
• આરોપી રણજીતભાઈ પર અગાઉ પણ માદક પદાર્થોના ગુન્હાઓ, જમિની વિવાદ, અને જુગારના કેસ ચાલી રહ્યા છે.

👉︎ આરોપીઓએ ગુન્હાની કબૂલાત કર્યા બાદ વરતેજ પોલીસ સ્ટેશનમાં તેમની વિરુદ્ધ વધુ કાર્યવાહી શરૂ કરવામાં આવી છે. 🚓👮‍♂️

અહેવાલ :: સતાર મેતર ભાવનગર