📰 સાબરકાંઠાની અંજના બુબડીયાએ વર્લ્ડ પેરા એથલેટિક્સ ગ્રાન્ટ પિક્સ ૪૦૦ મીટર દોડમાં જીત્યો સિલ્વર મેડલ!!

મેડલ

👉 સાબરકાંઠા:
સાબરકાંઠાના પોશીના તાલુકાના આંજણી ગામની આદિવાસી દીકરી અંજના રોહિતભાઈ બુબડીયા એ નવી દિલ્હીમાં યોજાયેલી વર્લ્ડ પેરા એથલેટિક્સ ગ્રાન્ટ પિક્સ ૨૦૨૫ ની ૪૦૦ મીટર મહિલા દોડ માં અન્ય ખેલાડીઓને પછાડી બીજું સ્થાન પ્રાપ્ત કરી સિલ્વર મેડલ જીત્યો છે.

અંજના બુબડીયાએ આ સિદ્ધિ મેળવીને દેશ અને સાબરકાંઠા જિલ્લાનું નામ રોશન કર્યું છે. પોશીના તાલુકાના આદિવાસી વિસ્તારોમાં આ ખબરથી આનંદની લાગણી ફેલાઈ ગઈ છે અને ગામલોકોમાં ગૌરવભેર માહોલ સર્જાયો છે.

🏆 અંજના બુબડીયાની સફળતા તરફ એક નજર:

✅ અંજનાએ ઇડર ખાતે કોલેજ સુધીનો અભ્યાસ કર્યો છે.
✅ છેલ્લા બે વર્ષથી ગાંધીનગરમાં નેશનલ સેન્ટર ઓફ એક્સેલન્સ માં તાલીમ લઈ રહી છે.
✅ અંજના હાલમાં ૨૦૨૬ માં યોજાનાર એશિયન ગેમ્સ માટે કઠોર મહેનત અને તૈયારી કરી રહી છે.

અંજનાની માતા-પિતા અને પરિવારજનોમાં ભારે આનંદ છે. ગામલોકોએ તહેવાર જેવો માહોલ સર્જી તેને વધાવ્યું હતું. અંજના બુબડીયાની આ સિદ્ધિ અન્ય આદિવાસી દીકરીઓ માટે પ્રેરણારૂપ બનશે.

🔎 અહેવાલ: ચંદ્રકાંત પ્રજાપતિ, બ્યુરો ચીફ, સાબરકાંઠા