📰 સુરત: મહિધરપુરા વોરાનીચાલ ચીડીયાકુઇ ખાતે જાહેરમાં જુગાર રમતા ચાર ઇસમ પકડી પડાયા

📌 સુરત: મહિધરપુરા વિસ્તારમાં વોરાનીચાલ ચીડીયાકુઇ ખાતે જાહેરમાં જુગાર રમતા ચાર ઇસમોને મહિધરપુરા પોલીસ દ્વારા પકડી પાડવામાં આવ્યા છે. સુરત શહેરના પોલીસ કમિશ્નર અનુપમસિંહ ગહલૌત સાહેબના માર્ગદર્શન હેઠળ અને નાયબ પોલીસ કમિશ્નર (ઝોન-3) તથા મદદનીશ પોલીસ કમિશ્નર (E ડિવિઝન) ના સૂચનાથી આ કાર્યવાહી હાથ ધરવામાં આવી હતી.

બાતમીના આધારે પોલીસ ઈન્સ્પેકટર એચ.એમ.ચૌહાણ અને સેકન્ડ ઇન્સ્પેક્ટર યુ.જે.જોષી ની આગેવાનીમાં સર્વેલન્સ સ્ટાફ દ્વારા રેડ કરવામાં આવી હતી. આ રેડ દરમિયાન ચાર ઇસમોને રોકડ રકમ અને જુગારના સાહિત્ય સાથે પકડી પાડવામાં આવ્યા હતા.

પ્રાથમિક તપાસમાં આ ઇસમો કેટલાક સમયથી ગેરકાયદેસર રીતે જાહેરમાં જુગાર રમતા હોવાની માહિતી મળી છે. પોલીસે તમામ આરોપીઓને હિરાસતમાં લઈ વધુ તપાસ શરૂ કરી છે. 🚔🔍