📵 જૂનાગઢ જિલ્લામાં ડ્રોન ચલાવવા પર પ્રતિબંધ | તા. ૧૩ મે સુધી UAV ઉડાન પર અટક

જૂનાગઢ, તા. ૧૦ મે, ૨૦૨૫ | ન્યૂઝ રિપોર્ટ
જિલ્લા મેજિસ્ટ્રેટ દ્વારા BNSS-2023ની કલમ 163 હેઠળ જાહેરનામું જાહેર

જૂનાગઢ જિલ્લામાં ડ્રોન, UAV, પેરાગ્લાઇડર કે રિમોટથી કંટ્રોલ થતા માઈક્રો લાઇટ એરક્રાફ્ટની ઉડાન પર તિવ્ર પ્રતિબંધ મૂકાયો છે. આ પ્રતિબંધ તાત્કાલિક અસરથી અમલમાં આવી ગયો છે અને તા. ૧૩ મે, ૨૦૨૫ સુધી લાગૂ રહેશે.

જિલ્લા મેજિસ્ટ્રેટ દ્વારા BNSS (ભારતીય નાગરિક સુરક્ષા સંહિતા) 2023 ની કલમ 163 હેઠળ જાહેર કરાયેલ આ જાહેરનામા અનુસાર:

🔸 રીમોટ સેન્સિંગ, માઈનિંગ, લો એન્ડ ઓર્ડર, આંતરિક સુરક્ષા કે ડિફેન્સ સિવાયના કોઈપણ હેતુ માટે સરકારી કે ખાનગી સંસ્થાઓ અને વ્યક્તિઓ ડ્રોન ઉડાવી શકશે નહીં.
🔸 UAV, પેરાગ્લાઈડર, માઈક્રો લાઇટ એરક્રાફ્ટ જેવી કોઈપણ એરિયલ ચળવળને પણ પ્રતિબંધિત રાખવામાં આવી છે.
🔸 જાહેરનામાનો ભંગ કરનાર વ્યક્તિ સામે BNSS કલમ 223 મુજબ કાર્યવાહી થશે, જેમાં કાયદેસર શિસ્તાત્મક દંડ કે સજા પણ થઈ શકે છે.

આ પ્રતિબંધનો ઉદ્દેશ સુરક્ષા તેમજ જાહેર વ્યવસ્થા જળવાઈ રહે તે છે. અધિકારીઓએ લોકો અને સંસ્થાઓને આ બાબતમાં સંપૂર્ણ સહયોગ આપવા આહવાન કર્યું છે.

અહેવાલ : નરેન્દ્ર દવે સાથે જગદીશ યાદવ, જૂનાગઢ
📅 પ્રતિબંધ સમયગાળો : તાત્કાલિક અસરથી

તા. ૧૩-૦૫-૨૦૨૫ સુધી