🔇 જૂનાગઢ જિલ્લામાં ફટાકડા ફોડવા પર પ્રતિબંધ | ૧૫ મે સુધી જાહેરનામું અમલમાં

જૂનાગઢ, તા. ૧૦ મે, ૨૦૨૫
જિલ્લા મેજિસ્ટ્રેટ અનિલકુમાર રાણાવસીયાએ ધ્વનિપ્રદૂષણ અને ભયભિત પરિસ્થિતિ અટકાવવા પગલાં લીધા

આંતરરાષ્ટ્રીય રીતે ઉદ્દભવેલી અસ્વસ્થ પરિસ્થિતિ અને કાશ્મીરના પહેલગામમાં થયેલા આતંકવાદી હુમલાને ધ્યાનમાં લઈને જૂનાગઢ જિલ્લાના તમામ વિસ્તારમા કોઈપણ પ્રકારના ધ્વનિપ્રદૂષક ફટાકડા ફોડવા ઉપર તાત્કાલિક પ્રતિબંધ ફરમાવવામાં આવ્યો છે.

📅 પ્રતિબંધનો સમયગાળો:
આ જાહેરનામું તાત્કાલિક અસરથી અમલમાં આવી ગયું છે અને તા. ૧૫ મે, ૨૦૨૫ સુધી લાગૂ રહેશે.

📜 કાયદાકીય આધાર:
આ નિર્ણય ગુજરાત પોલીસ અધિનિયમ, ૧૯૫૧ની કલમ ૩૩(૧)(યુ) મુજબ લેવામાં આવ્યો છે.

📢 પ્રતિબંધના કારણો:
🔸 હાલ ભારત અને પાકિસ્તાન વચ્ચે ઊભી થયેલી સંવેદનશીલ પરિસ્થિતિ
🔸 આર્મ્ડ ફોર્સ દ્વારા ઓપરેશન ‘સિંદૂર’ અંતર્ગત વધતી ચપળતાઓ
🔸 ફટાકડાના મોટા અવાજથી લોકોમાં ભય અને શંકા ફેલાય છે, જે અસ્થિરતાને પાંખો આપે છે
🔸 જાહેર શાંતિ જળવાઈ રહે તે માટે ફટાકડાની તાત્કાલિક પ્રતિબંધ ફરજિયાત છે

🚫 ભંગ કરનાર માટે ચેતવણી:
જો કોઈ વ્યક્તિ આ જાહેરનામાનો ભંગ કરે છે, તો ગુજરાત પોલીસ અધિનિયમની કલમ ૧૩૧ મુજબ કાયદેસર પગલાં લેવામાં આવશે અને કડક સજા થવાની પણ શક્યતા છે.

અહેવાલ : નરેન્દ્ર દવે સાથે જગદીશ યાદવ, જૂનાગઢ
🛑 જાહેરનામું અમલમાં : તા. ૧૦-૦૫-૨૦૨૫ થી ૧૫-૦૫-૨૦૨૫ સુધી
📍 લાગુ વિસ્તાર : સમગ્ર જૂનાગઢ જિલ્લો