🔥 ડુંભાલના ઓમ નગરની ગલી નં. ૧માં ગેરકાયદેસર પ્લાસ્ટિકના ગોડાઉનમાં ભયંકર આગ: લિંબાયત ઝોન કચેરી ફરી નિંદ્રાધીન!

સુરત (લિંબાયત):
ડુંભાલ સ્થિત ઓમ નગર રહેણાંક સોસાયટીની ગલી નં. ૧માં આવેલ ગેરકાયદેસર પૂઠાં અને પ્લાસ્ટિકના ગોડાઉનમાં આજે અચાનક ભયંકર આગ ફાટી નીકળી. ઘનતાવાળું રહેણાંક વિસ્તાર હોવાથી આસપાસ દહેશતનો માહોલ સર્જાઈ ગયો હતો. ધુમાડાના ઘાટાં દૂર સુધી દેખાઈ રહ્યા હતા.

📌 ઘટનાસ્થળે ધમધમાટ:

આગ લાગતાની સાથે જ આસપાસના રહેવાસીઓ ઘરમાંથી બહાર નીકળી ગયા. ફાયર બ્રિગેડને જાણ કરાઈ અને ઘણા સમય બાદ કંટ્રોલમાં લાવવામાં આવી. આગમાં મોટું નુકસાન થયું હોવાનો અંદાજ છે.

🚨 શિવશક્તિ માર્કેટની આગ બાદ પણ સુસ્ત તંત્ર:

આ ઘટનાએ ફરી એકવાર શિવશક્તિ ટેક્સટાઇલ માર્કેટમાં થયેલી વિઘટક આગની યાદ તાજી કરી દીધી છે. ત્યારે પણ રહેણાંક વિસ્તારમાં ગેરકાયદેસર ગોદામોને લઈ પ્રશાસનના પગલાં પર સવાલ ઉભા થયા હતા.

🏛️ રાજકીય દબાણ સામે તંત્ર ધૃતરાષ્ટ્રની ભૂમિકા ભજવે છે?

સ્થાનિકોનો આક્ષેપ છે કે લિંબાયત ઝોન કચેરી, રાજકીય દબાણમાં આવી રહીને આવા ગેરકાયદેસર ગોડાઉનો પર કાર્યવાહી નથી કરતી. ઘની વસાહત ધરાવતા વિસ્તારમાં પ્લાસ્ટિક, પૂઠાં અને કેમિકલના સ્ટોક વચ્ચે લોકોના જીવ જોખમમાં મુકાઈ રહ્યા છે.

📣 લોકોની માંગ:

• તમામ રહેણાંક વિસ્તારોમાંથી ગેરકાયદેસર ગોડાઉનો દૂર કરવા.
• જવાબદાર તંત્ર સામે કાર્યવાહીની માંગ.
• ભવિષ્યમાં આવી ઘટના ન બને તે માટે પગલાં લેવાં જોઈએ.

📍 સ્થળ: ડુંભાલ, સુરત