🔥 માંગરોળના જુના બસસ્ટેન્ડ વિસ્તારમાં રુદ્રાક્ષ દુલ્હા કલેક્શન દુકાનમાં આગનો બનાવ

ફાયર બ્રિગેડની ઝડપી કાર્યવાહીથી મોટું નુકસાન ટળ્યું

અહેવાલ: પ્રકાશ લાલવાણી, માંગરોળ – જુનાગઢ

માંગરોળ શહેરના જૂના બસસ્ટેન્ડ નજીક આવેલા કોમ્પ્લેક્સના પ્રથમ માળે આવેલી ‘રુદ્રાક્ષ દુલ્હા કલેક્શન’ દુકાનમાં આજે અચાનક આગ ફાટી નીકળી, જેના કારણે વિસ્તારમાં અફરાતફરીનો માહોલ સર્જાયો હતો.

પ્રથમ દ્રષ્ટિએ દુકાનમાંથી ધુમાડો નીકળતા સ્થાનિક યુવાનો દ્વારા આગ કાબૂમાં લેવાનો પ્રયાસ કરવામાં આવ્યો. તાત્કાલિક રીતે નગરપાલિકા ફાયર ફાઇટર ટીમ ઘટનાસ્થળે પહોંચી, પાણીનો મારો ચલાવીને આગને કાબૂમાં લીધી હતી.

આ ઘટનાની જાણ થતાં શહેર ભાજપ પ્રમુખ સહિત મોટી સંખ્યામાં લોકો ઘટના સ્થળે દોડી આવ્યા હતા.

હાલમાં આગ લાગવાનું કારણ અકબંધ છે અને કોઈ જાનહાનિ થતાં રાહતની લાગણી વ્યાપી છે.

દુકાનમાં મોંઘા કપડાં તેમજ લગ્ન પ્રસંગની વસ્તુઓ હોવાથી નુકસાન થયાની આશંકા વ્યક્ત કરવામાં આવી રહી છે.