🔥 માળિયા હાટીના વાણિયા શેરીના મકાનમાં અચાનક લાગી આગ, ફાયર બ્રિગેડના યત્નોથી ભીષણ આપત્તિ ટળી!

માળિયા હાટીના, જૂનાગઢ:
શહેરના વાણિયા શેરી વિસ્તારમાં આવેલ ખાળીખંભામાં એક મકાનમાં અજાણ્યા કારણોસર અચાનક આગ ભભૂકી ઉઠતા ઘટનાસ્થળે અફરાતફરીનો માહોલ સર્જાયો હતો.

ઘટનાની જાણ મળતેજ માળિયા હાટી પોલીસ સ્ટેશનના પીઆઈ મિતુલ પટેલ, પીએસઆઈ હિંગોરા, કોમ્યુટર ઓપરેટર કૃણાલ પી, કોમામનસીગ ખેર સહિત સ્ટાફ તાત્કાલિક ઘટનાસ્થળે દોડી આવ્યો હતો. સ્થાનિક લોકોની સહાયથી પાણીના ડોલ, ડબલાં લઈ આગ ઓલવવાની કોશિશ શરૂ કરવામાં આવી હતી.

જો કે આગ વિકરાળ સ્વરૂપ ધારણ કરતા તાત્કાલિક કેશોદ ફાયર બ્રિગેડને જાણ કરવામાં આવી, જ્યાંથી ટીમ પહોંચતા આગને કાબૂમાં લઈ મોટી દુર્ઘટના અટકાવી હતી.

✅ સતર્કતા અને સહકારથી મોટી જાનહાની ટળી

સ્થાનિક નાગરિકો તેમજ પોલીસ સ્ટાફની ત્વરિત કામગીરીને કારણે કોઈ જાનહાની ઘટી નહીં અને મોટી નુકશાનીથી બચી લેવામાં સફળતા મળી.

🙏 આગેવાનો દ્વારા અભિનંદન

આ તકે રાજકીય તેમજ સામાજિક આગેવાનો દ્વારા પોલીસ વિભાગ અને ફાયર બ્રિગેડ ટીમનો આભાર વ્યક્ત કરવામાં આવ્યો હતો.

📍 સ્થળ: વાણિયા શેરી, માળિયા હાટીના
📰 અહેવાલ: પ્રતાપ સિસોદિયા