🔴 અઠવા પોલીસે લૂંટેરી દુલહન અને તેના ટોળકીનો ભાંડો ફોડ્યો, લગ્નના બીજા જ દિવસે માતા સાથે કરી હતી રફુચક્કર!

સુરત શહેરના અઠવા વિસ્તારમાંથી લૂંટેરી દુલહનનો એક ચોંકાવનારો કિસ્સો પ્રકાશમાં આવ્યો છે. જેમાં અમદાવાદના એક યુવાન સાથે લગ્ન કરીને બીજા જ દિવસે દુલહન પોતાની માતા સાથે ભાગી ગઈ હતી. યુવાને પોલીસ સ્ટેશનમાં ફરિયાદ નોંધાવતા પોલીસે તાત્કાલિક તપાસ હાથ ધરી હતી અને આખરે દુલહન સહિત ટોળકીના અન્ય સભ્યોને ઝડપી પાડી લીધા છે.

પ્રાપ્ત માહિતી અનુસાર, અમદાવાદના યુવાને સોશિયલ મિડિયા પર એક મહિલા સાથે સંવાદ શરૂ કર્યો હતો. સંબંધો વધી જતા બંનેએ લગ્ન કરવાની વાત કરી હતી. યુવતી તરફથી દાવો કરવામાં આવ્યો કે તેના પિતા હવે નથી અને લગ્ન માટે રૂ. 1 લાખની જરૂર હોવાનું જણાવ્યું હતું. યુવકે પ્રેમમાં આવી ગયેા અને માતા તરફથી આવતી માંગણી પૂરી કરતા તે યુવાને પૈસા આપી લગ્ન કરી લીધાં.

અનુસાર લગ્નના બીજા જ દિવસે, દુલહન પોતાના પતિને એક બહાનું બનાવીને બહાર ગઈ અને ત્યાર બાદ માતા સાથે રફુચક્કર થઈ ગઈ. યુવકે સંપર્ક કરવાનો પ્રયાસ કર્યો તો કોઈ જવાબ મળ્યો નહીં. પાછળથી દુલહન અને તેની માતા બંનેએ ન તો પૈસા પાછા આપ્યા અને ન તો યુવતી પતિ સાથે રહેવા તૈયાર થઈ.

આ ઘટનાથી છેતરાઈ ગયેલા યુવકે તરત જ અઠવા પોલીસ સ્ટેશનમાં ફરિયાદ નોંધાવી હતી. પોલીસ દ્વારા ટેક્નિકલ સર્વેલન્સ અને અન્ય તપાસના આધારે દુલહન અને તેની માતાને પકડવામાં આવ્યા છે. પ્રાથમિક પૂછપરછમાં સામે આવ્યું છે કે આ ટોળકી પહેલાથી જ આવા કિસ્સાઓમાં સંડોવાઈ ચૂકેલી છે અને આ ધંધો તેમનો આવકનો સ્ત્રોત છે.

અઠવા પોલીસે આ કેસમાં વધુ તપાસ શરૂ કરી છે અને ટોળકીના બીજા સંડોવાયેલા લોકોના નામ પણ બહાર આવવાની શક્યતા છે. પોલીસનું માનવું છે કે આ ગુનામાં વધુ લોકો શામેલ હોઈ શકે છે અને તેઓના તાર પણ અન્ય શહેરો સાથે જોડાયેલા હોઈ શકે છે.

🔹અઠવા પોલીસની તકેદારી અને ઝડપી કાર્યવાહીની સરાહના થઈ રહી છે.