🔸 રામનવમીના પાવન દિવસે ખેડબ્રહ્મામાં ભાજપનો સ્થાપના દિવસ ઉજવાયો ભવ્ય અંદાજમાં!

   સાંસ્કૃતિક રાષ્ટ્રવાદને વરેલ તથા એકાત્મક માનવ દર્શન અને અંત્યોદયના સંકલ્પ સાથે આગળ વધતી વિશ્વની સૌથી મોટી રાજકીય પાર્ટી ભારતીય જનતા પાર્ટીની સ્થાપના દિનની ઉજવણી આજે તારીખ 6-4-25 ને રવિવારના તથા રામનવમીના પવિત્ર દિને ભવ્ય રીતે ઉજવાઈ. યોગા નું યોગ આજે રામનવમી હોય ખેડબ્રહ્મા શહેર ભાજપ દ્વારા શહેરમાં પવિત્ર હરણાવ નદી કિનારે આવેલ હનુમાન મંદિરે મોટી સંખ્યામાં ઉપસ્થિત ભાજપના હોદ્દેદારો તથા નગરપાલિકાના સદસ્યો તથા કાર્યકરોની ઉપસ્થિતિમાં ઉજવાઈ. સવારે 9:00 કલાકે તમામ કાર્યકરો હરણાવ નદી પાસે હનુમાન મંદિરે ઉપસ્થિત થઈ ભગવાન શ્રી રામના ફોટાનું પૂજન અર્ચના તથા આરતી કરી‌ હનુમાન ચાલીસાનો પાઠ કરી રામચંદ્ર ભગવાનની આરતી ઉતારી સૌને પ્રસાદ વહેંચ્યો હતો. તથા તમામ કાર્યકર્તાઓએ પોતાના ઘેર ભાજપનો ભગવો ઝંડો લઈ આવ્યો હતો. આ પ્રસંગે નગરપાલિકાના પ્રમુખ પ્રિયંકાબેન ખરાડી, શહેર ભાજપ પ્રમુખ બ્રિજેશભાઈ  બારોટ, મહામંત્રીઓ ભવેન્દ્રસિંહ સોલંકી, તથા ચેતનભાઇ મોદી, ઉપપ્રમુખ હસમુખભાઈ પંચાલ, મિલન જગદીશભાઈ પટેલ, પલ્લવીબેન, તથા કાર્યકર અરવિંદભાઈ ઠક્કર તથા નગરપાલિકાના તમામ સદસ્યો તથા તમામ કાર્યકરો ઉપસ્થિત રહ્યા હતા.

અહેવાલ :- ગુજરાત બ્યુરો