🕊️ લોએજ ગામે શ્રદ્ધાંજલિ કાર્યક્રમનું આયોજન, આતંકી હુમલામાં મરણ પામેલા ભારતીયોને શ્રધ્ધાંજલિ

📍 માંગરોળ, જુનાગઢ | 1 મે 2025
માંગરોળ તાલુકાના લોએજ ગામે પહેલગામમાં થયેલા આતંકી હુમલામાં મૃત્યુ પામેલા 28 નિર્દોષ હિન્દુ પર્યટકોની યાદમાં, ગ્રામજનો દ્વારા શ્રદ્ધાંજલિ કાર્યક્રમ યોજાયો.

આ દુખદ ઘટનામાં જીવ ગુમાવનાર ભારતીયોની યાદમાં, સમગ્ર ગામના લોકો એકત્રીત થયા અને દુખ વ્યક્ત કર્યો. કાર્યક્રમની શરૂઆતમાં, સૌ ઉપસ્થિત ગ્રામજનો દ્વારા બે મિનિટનું મૌન રખાયું અને ત્યારબાદ પૂષ્પાંજલિ અર્પણ કરી શ્રધ્ધાંજલિ આપવામાં આવી.

આ અવસરે લોએજ ગામના વેપારીઓએ પણ તેમના દુકાનો અડધા દિવસ માટે બંધ રાખી અને શ્રધ્ધાંજલિ કાર્યક્રમમાં ભાગ લીધો.

આ કાર્યક્રમમાં લોએજ સ્વામિનારાયણ મંદિરના કોઠારી સ્વામી શ્રી મુક્તસ્વરૂપદાસજી, તાલૂકા યુવા મોરચા પ્રમુખ રવિભાઈ નંદાણીયા, તાલૂકા પંચાયત સદસ્ય ગોવાભાઈ ચાંડેરા, ભીમભાઈ નંદાણીયા, રાજુભાઈ છેલાણા, વેજાભાઈ ચાડેરા, અને સરમણભાઈ સહિતના આગેવાનો તેમજ મોટી સંખ્યામાં ગામના લોકો ઉપસ્થિત રહ્યા.

🖊 અહેવાલ – પ્રકાશ લાલવાણી, માંગરોળ-જુનાગઢ