🗳️ માંગરોળ તાલુકામાં ગ્રામ પંચાયત ચૂંટણીનો ઉત્સાહ, શેરીયાજ ગામે ધીમી મતદાન પ્રક્રિયા પર ગ્રામ આગેવાનોના આક્ષેપ

જુનાગઢ જિલ્લાના માંગરોળ તાલુકામાં આજે સવારે 7:00 વાગ્યાથી ગ્રામ પંચાયત ચૂંટણી માટે મતદાનની પ્રક્રિયા શરૂ થઈ છે. લોકશાહીના પર્વને લઈ ગ્રામ્ય વિસ્તારોમાં જનજાગૃતિ અને ઉત્સાહનું વાતાવરણ સર્જાયું છે.

મતદારો લાંબી લાઇનોમાં ઊભા રહીને પોતાના મતાધિકારનો ઉપયોગ કરવા માટે ઉત્સુક નજરે પડી રહ્યા છે. ખાસ કરીને શેરીયાજ ગામે ભારે ભીડ અને લાંબી લાઈનો જોવા મળી રહી છે, જ્યાં ગ્રામજનો ઉન્મુખતા સાથે મતદાન માટે ઉમટી રહ્યા છે.

જોકે, શેરીયાજ ગામનાં આગેવાનો દ્વારા આક્ષેપ કરવામાં આવ્યો છે કે મતદાન પ્રક્રિયા ધીમી ગતિએ ચાલી રહી છે, જેના કારણે મતદારોને લાંબા સમય સુધી રાહ જોવી પડી રહી છે. આ બાબતે ઝોનલ અધિકારીઓ સહિતના જવાબદાર તંત્રને જાણ કરવામાં આવી છે અને ઝડપથી વ્યવસ્થા સુધારવા માટે માંગ ઉઠાવવામાં આવી છે.

હાલ સમગ્ર મતદાન પ્રક્રિયા શાંતિપૂર્ણ રીતે આગળ વધી રહી છે, અને તંત્ર દ્વારા વ્યવસ્થિત વ્યવસ્થા માટે પ્રયાસો થઈ રહ્યા છે જેથી મતદારો સરળતાથી મતદાન કરી શકે.

📝 અહેવાલ: પ્રતાપ સીસોદીયા માળીયા હાટીના