🗳️ માળીયા હાટીનાં 12 ગામોમાં 73.72% મતદાન સાથે શાંતિપૂર્ણ રીતે પૂર્ણ થઈ ગ્રામ પંચાયત ચૂંટણી, હવે નિજાનંદમાં પરિણામની રાહ

જૂનાગઢ જિલ્લાના માળીયા હાટીના તાલુકાની 12 ગ્રામ પંચાયતોમાં લોકશાહીનું મહાપર્વ સફળતાપૂર્વક સંપન્ન થયું છે. મોટા ઉત્સાહ અને શાંતિપૂર્ણ માહોલ વચ્ચે કુલ 73.72% મતદાન નોંધાયું છે. હવે સરપંચ અને સભ્યોના ભાવિ મતપેટીમાં સીલ થઈ ગયા છે અને સમગ્ર તાલુકા હવે 25 જૂનના પરિણામોની રાહ જોઈ રહ્યો છે.

મતદાન શાંતિપૂર્ણ રીતે સંપન્ન થતાં તંત્રએ પણ રાહતનો શ્વાસ લીધો છે. આજની ચૂંટણી પ્રક્રિયામાં જાનડી, જૂથળ, બાબરા, ભંડુરી, ચૂલડી અને વડિયા સહિતનાં ગામોમાં લોકોની જાગૃત અને જવાબદારીભરી હાજરી નોંધાઈ.

દૂરસ્થ વિસ્તારોના ડાંડેરી, વધુકા, સરકડીયા, લાછડી અને શેરીયાખાણ જેવી પંચાયતોમાં પણ સરપંચ પદ માટે મતદાન શાંતિથી થયું.

રાજકીય દાવપેચની સાથે ચકાસણી અને જુસ્સા ભરેલી સ્પર્ધાઓનું મેદાન બની ગયેલા જૂથળ, ભંડુરી, બાબરા અને ખોરસા ગીર ગામોમાં સ્થાનિક નેતાઓ વચ્ચે કૌતૂહલ જોવા મળ્યું.

હવે પ્રશ્ન એ છે કે –
🟠 કોણ જીતશે સરપંચની બેઠક?
🟢 કોના હાથમાં આવશે વોર્ડ પ્રતિનિધિત્વની ચાવી?
🔵 જાહેર જનતાએ કોને આપ્યો છે વિશ્વાસનો મત?

જવાબ મળશે આગામી 25 જૂનના પરિણામના દિવસે, ત્યારે જ સ્પષ્ટ થશે કે કોણ છે ગ્રામીણ નેતૃત્વનો વાસ્તવિક વિજેતા!

📝 અહેવાલ: પ્રતાપ સીસોદીયા, માળીયા હાટી