🗳️ માળીયા હાટીના તાલુકાની 12 ગ્રામ પંચાયતોમાં મતદાન શાંતિપૂર્ણ રીતે શરૂ, હળવા વરસાદ વચ્ચે મતદારોનો ઉત્સાહ

જૂનાગઢ જિલ્લાના માળીયા હાટીના તાલુકાની 12 ગ્રામ પંચાયતોમાં આજે ગ્રામ પંચાયત ચૂંટણી માટે મતદાન પ્રક્રિયાની શાંતિપૂર્ણ શરૂઆત થઈ છે. વહેલી સવારથી જ મતદારો મતદાન મથકો પર પહોંચતા દૃશ્યો સામે આવ્યા છે.

હાલમાં તાલુકામાં કુલ 33 મતદાન બૂથો પર મતદાન પ્રક્રિયા સુચારુ રીતે ચાલી રહી છે. સવારના 7:00 થી 9:00 વાગ્યા સુધીમાં અંદાજે 7.14% મતદાન નોંધાયું છે. કેટલાક વિસ્તારોમાં હળવા વરસાદના કારણે મતદારોની આવક ધીમી નોંધાઈ છે, તો કેટલીક પંચાયતોમાં મતદારો ઉત્સાહપૂર્વક મતદાનમાં જોડાયા છે.

શાંતિપૂર્ણ વાતાવરણ વચ્ચે મતદાન પ્રક્રિયા આગળ વધી રહી છે. DYSPના માર્ગદર્શન હેઠળ કુલ 75 સુરક્ષા કર્મચારીઓ – જેમાં 3 PI, 3 PSI, 70 પોલીસ સ્ટાફ, હોમગાર્ડ તથા GRD તૈનાત કરવામાં આવ્યા છે. મતદાન મથકો પર કડક સુરક્ષા અને વ્યવસ્થાપન કરવામાં આવ્યું છે જેથી મતદારોને સરળતાથી મતદાન કરવાનો માહોલ મળી રહે.

ચૂંટણી અધિકારીઓ તથા સુરક્ષા સ્ટાફની તકેદારીભર્યુ આયોજન ધ્યાને લેતા મતદારોમાં વિશ્વાસજનક વાતાવરણ ઉભું થયું છે. સ્થાનિક મતદારો જાગૃત અને જવાબદારીથી મતદાન કરી રહેલા દૃશ્યો ચિંતામુક્ત અને લોકશાહીપ્રેમી સંદેશ આપે છે.

📝 અહેવાલ: પ્રતાપ સીસોદીયા, માળીયા હાટી