🗳️ રતનાલ ગામે લોકશાહી પર્વમાં ભૂતપૂર્વ મંત્રી વાસણભાઈ આહીર સહિત ગ્રામજનો ઉત્સાહભેર મતદાનમાં જોડાયા

ભાવનગર જિલ્લાના રતનાલ ગામમાં આજે ગ્રામ  પંચાયત ચૂંટણી અંતર્ગત મતદાનની પ્રક્રિયામાં પૂર્વ મંત્રી વાસણભાઈ આહીર સહિત મોટી સંખ્યામાં ગ્રામજનોએ ઉત્સાહપૂર્વક ભાગ લીધો હતો.

લોકશાહી પર્વ તરીકે ઉજવાતી ચૂંટણીમાં ગ્રામજનોના સક્રિય સહભાગથી વાતાવરણ જનજાગૃતિપૂર્ણ બની ગયું હતું. વડીલો, યુવાનો તેમજ મહિલાઓએ પણ સવારથી જ મતદાન મથક તરફ રૂખ કર્યો હતો.

સરપંચ પદના ઉમેદવાર ત્રિકમભાઈ આહીરે જણાવ્યું હતું કે, “આ વખતે લોકોમાં મતદાન માટે ખાસ ઉત્સાહ છે અને સૌ કોઈ લોકશાહી પ્રત્યે જવાબદારીપૂર્વક પોતાની ફરજ અદા કરી રહ્યા છે.”

ચૂંટણી તંત્ર દ્વારા પણ શાંતિપૂર્ણ અને વ્યવસ્થિત મતદાન માટે યોગ્ય તૈયારી કરવામાં આવી હતી. ગામમાં લોકશાહી અને વિકાસ માટે શાંતિપૂર્ણ મતદાનની ભાવના જાગી રહી છે.

📝 અહેવાલ: વારીસ પટણી , ભુજ