🗳️ વિસાવદર પેટા ચૂંટણી: ૮૬-માલીડા અને ૧૧૧-નવા વાઘણીયા મતદાન મથકો પર ૨૧ જૂનના રોજ પુનઃમતદાન યોજાશે

જૂનાગઢ, તા. ૨૦ જૂન:
જૂનાગઢ જિલ્લાની ૮૭-વિસાવદર વિધાનસભા મતવિસ્તાર અંતર્ગત આવેલા ૮૬-માલીડા તથા ૧૧૧-નવા વાઘણીયા મતદાન મથકો પર પુનઃ મતદાન યોજાવાનું છે. ભારતીય ચૂંટણી પંચ દ્વારા જારી કરાયેલી જાહેરાત મુજબ આ પુનઃમતદાન તા. ૨૧ જૂન ૨૦૨૫ના રોજ સવારે ૭ થી સાંજના ૬ વાગ્યા સુધી યોજાશે.

જિલ્લા ચૂંટણી તંત્રના જણાવ્યા અનુસાર, મતદારો માટે ભારતીય ચૂંટણી ઓળખ કાર્ડ ઉપરાંત ૧૨ અન્ય માન્ય આધાર પુરાવાઓ પણ માન્ય રહેશે. મતદારો નીચે જણાવેલ કોઈપણ માન્ય ઓળખદસ્તાવેજ સાથે મતદાન માટે હાજર રહી શકે છે:

🔹 આધાર કાર્ડ
🔹 મનરેગા જોબ કાર્ડ
🔹 બેંક/પોસ્ટ ઓફિસ પાસબુક (ફોટોવાળી)
🔹 શ્રમ મંત્રાલયનો હેલ્થ ઈન્શ્યોરન્સ કાર્ડ
🔹 ડ્રાઈવિંગ લાયસન્સ
🔹 પાન કાર્ડ
🔹 ભારતીય પાસપોર્ટ
🔹 પેન્શન ડોક્યુમેન્ટ (ફોટો સાથે)
🔹 સર્વિસ આઈ.ડી. કાર્ડ (સરકારી, પીએસયુ, પબ્લિક લિમિટેડ કંપનીનો)
🔹 વિધાનસભા/સંસદ સભ્યનો ઓળખકાર્ડ
🔹 યુનિક ડિસેબીલીટી આઈડી (UDID)
🔹 આરજીઆઈ દ્વારા જાહેર કરાયેલ એનપીઆર સ્માર્ટ કાર્ડ

જિલ્લા ચૂંટણી તંત્ર તરફથી મતદારોને અપીલ કરવામાં આવી છે કે તેઓ પોતાની લોકશાહી હકની ભાવનાથી પુનઃમતદાનમાં ભાગ લેશે અને ઓળખપત્ર સાથે મતદાન મથક પર પધરી દેશહિત માટે મતાધિકારનો ઉપયોગ કરશે.

📍અહેવાલ: નરેન્દ્ર દવે સાથે જગદીશ યાદવ, જૂનાગઢ