🗳️ શિનોર તાલુકાની 9 ગ્રામ પંચાયતોમાં 77.57% મતદાન સાથે શાંતિપૂર્ણ માહોલમાં ચૂંટણી સંપન્ન

વડોદરા જિલ્લાના શિનોર તાલુકાની 9 ગ્રામ પંચાયતો માટે આજે યોજાયેલી ચૂંટણીમાં કુલ 77.57% મતદાન નોંધાયું છે. સવારના 7 વાગ્યે શરૂ થયેલી મતદાન પ્રક્રિયા સાંજે 6 વાગ્યે શાંતિપૂર્ણ રીતે પૂર્ણ થઈ હતી.

આ 9 ગ્રામ પંચાયતોમાં સરપંચ પદ માટે 18 ઉમેદવાર અને 31 સભ્ય વોર્ડ માટે 58 ઉમેદવાર મેદાનમાં હતા. ઉપરાંત 2 ગ્રામ પંચાયતોમાં સરપંચ પદ માટે પેટા ચૂંટણી પણ યોજાઈ હતી.

મતદાન દરમિયાન તમામ મથકોએ ચુસ્ત પોલીસ બંદોબસ્ત ગોઠવવામાં આવ્યો હતો જેથી ચૂંટણી પ્રક્રિયા નિર્વિઘ્ન અને શિસ્તબદ્ધ રીતે પાર પાડી શકાય. મતદારોમાં ઉલ્લાસ અને ઉત્સાહ જોવા મળ્યો હતો અને લોકશાહી પર્વમાં બહોળી ભાગીદારી નોંધાઈ.

આ કુલ 9 પંચાયતોમાં સરપંચ અને વોર્ડ સભ્યો માટે યોજાયેલી ચૂંટણી હવે 25 જૂને પરિણામો જાહેર થયા પછી ચિતાર લાવશે કે કોના હાથમાં આવશે ગામના વિકાસની ધારી.

📝 અહેવાલ: ફૈઝ ખત્રી, શિનોર – વડોદરા