🗳️હજીરાના સુવાલી અને શિવરામપુરમાં 8 વર્ષ બાદ ગામ પંચાયત ચૂંટણી, ગ્રામજનોમાં ઉત્સાહનો માહોલ

હજીરા વિસ્તારના સુવાલી અને જૂના ગામ (શિવરામપુર)માં આજે 8 વર્ષ બાદ ગામ પંચાયતની ચૂંટણી યોજાઈ રહી છે. લાંબા સમય પછી ગામના લોકો પોતાના મતાધિકારનો ઉપયોગ કરી શકે છે, એથી સમગ્ર વિસ્તારમાં ખુશી અને ઉત્સાહનો માહોલ જોવા મળી રહ્યો છે.

ગામ પંચાયતની ચૂંટણી માટે બેલેટ પેપર દ્વારા મતદાન પ્રક્રિયા હાથ ધરાઈ રહી છે. ગ્રામજનો સવારથી જ મતદાન મથકો પર ઉમટી પડ્યા છે અને લોકશાહી પર્વને ઉજવી રહ્યા છે.

સવારે 11 વાગ્યા સુધીમાં અંદાજે 30 થી 35 ટકા મતદાન નોંધાયું છે અને ધીમે ધીમે મતદાનની ઝડપમાં પણ વધારો થઈ રહ્યો છે.

ચૂંટણીને શાંતિપૂર્ણ રીતે પાર પાડી શકાય એ માટે સ્થાનિક તંત્ર તરફથી પણ યોગ્ય વ્યવસ્થાઓ કરવામાં આવી છે અને ગામના લોકોમાં વિશેષ ઉમંગ સાથે લોકતંત્રને મજબૂત કરવાની લાગણી જોવા મળી રહી છે.

📝 અહેવાલ: બ્યુરો રિપોર્ટ