🚧 વલસાડને મળ્યું વિકાસનું સુવર્ણટિકિટ – સાંસદ ધવલ પટેલના પ્રયત્નોથી ₹૮૨૫.૭૨ કરોડથી ૮૪૮ નેશનલ હાઈવેનો વિકાસ થશે!

વલસાડ | વિકાસ ડેસ્ક
વલસાડ અને મહારાષ્ટ્ર વચ્ચેના મુસાફરીના મુખ્ય માર્ગ ૮૪૮ નેશનલ હાઈવેના વિસ્તરણ માટે આખરે મળ્યું કેન્દ્ર સરકારનું ભારી સહકાર! સાંસદ ધવલ પટેલના સતત પ્રયાસો અંતે ₹૮૨૫.૭૨ કરોડના ભવ્ય પેકેજને મંજૂરી મળતાં વિસ્તારના વિકાસ માટે નવો દોર શરૂ થવાનું નિશ્ચિત થયું છે.

શું થશે વિકાસ?
કેન્દ્રીય મંત્રી નીતિન ગડકરીના નેતૃત્વમાં આ માર્ગનું ૩૭.૦૮ કિમીનું વિસ્તરણ – પારડી (NH-48) થી સુકેશ-નાનાપોંઢા-કપરાડા સુધી – હવે બનશે ૪ લેનનો પેવ્ડ શોલ્ડર સાથેનો ડિવાઇડેડ હાઈવે. ટ્રાફિક હશે સરળ, મુસાફરી થશે સુરક્ષિત અને આરામદાયક.

સાંસદના પ્રયાસોની સાર્થકતા
શ્રી ધવલ પટેલે સતત કેન્દ્ર સાથે સંપર્કમાં રહીને આ પ્રોજેક્ટ માટે દબાણ બનાવી રાખ્યું. તેમના વિશિષ્ટ દ્રષ્ટિકોણ અને જનહિતના આગ્રહથી આ માન્યતા મળવી શક્ય બની. તેમણે જણાવ્યું કે – “આ રસ્તો માત્ર કાચી જમીન પર સિમેન્ટ નહીં પાથરે, પણ વિકાસના નકશા પર વલસાડનું નામ ઉંદાઈથી લખશે.”

📍 અગાઉનો રસ્તો – કંટાળાજનક
📍 હવેનો રસ્તો – ઝડપી, સુરક્ષિત અને આધુનિક!

🖋 અહેવાલ: વિશાલ પટેલ, વલસાડ