🚧 વિસાવદર શહેરમાં RCC રોડ કામ શરૂ — વાહનચાલકો માટે ડાયવર્ઝન રૂટ જાહેર!

જૂનાગઢ, તા. ૮ એપ્રિલ, ૨૦૨૫:
વિસાવદર શહેરમાં સરદાર સ્ટેચ્યુથી કનૈયા ચોક મેઈન રોડ તેમજ રામજી મંદિરથી રેલવે સ્ટેશન સુધી RCC રોડનું નિર્માણ કાર્ય હાલમાં શરૂ છે. અવરજવરમાં અડચણ ન આવે તે હેતુથી જિલ્લા અધિક મેજિસ્ટ્રેટ એન.એફ. ચૌધરી દ્વારા ડાયવર્ઝન માટે વૈકલ્પિક માર્ગોની ઘોષણા કરતા જાહેરનામું બહાર પાડવામાં આવ્યું છે.

🛣️ વૈકલ્પિક રૂટ્સની માહિતી:

🔸 રેલવે સ્ટેશનથી ડાયમંડ ચોક વચ્ચે જતા વાહનો માટે:

• ડોબરીયા પ્લોટ માટે → ધારી બાયપાસ
• મુરલીધર પ્લોટ માટે → તાલુકા ખરીદ વેચાણ સંઘ → સતાધાર રોડ

🔸 કનૈયા ચોકથી રામજી મંદિર વચ્ચે:

• કોઈ ડાયવર્ઝનની જરૂર નથી

🔸 ડાયમંડ ચોકથી સરદાર સ્ટેચ્યુ જવા માટે:

• મોણીયા → સરસઈ ગામ → સતાધાર માર્ગ

🔸 ધારીથી સતાધાર તરફ આવતા વાહનો માટે:

• કાલસારી ગામ → તાલુકા સંઘ → સતાધાર માર્ગ

🔸 સરદાર ચોકથી જલારામ કટલેરી સુધી:

• કાલસારી બાયપાસ અને મોણીયા-સરસઈ બાયપાસ → સતાધાર ઉપયોગ કરવાની સૂચના

⚠️ જાહેરનામાનો ભંગ કરનાર સામે કાર્યવાહી થશે:

જાહેરનામાનો ઉલ્લંઘન કરનાર સામે ગુજરાત પોલીસ અધિનિયમ ૧૯૫૧ (કલમ ૧૩૧) મુજબ કાયદેસર કાર્યવાહી થશે. આવા ગુનાઓ માટે હેડ કોન્સ્ટેબલ કે તેથી ઉપરના અધિકારીઓને કાર્યવાહીનો અધિકાર અપાયો છે.

🔹 આ જાહેરનામું તાત્કાલિક અમલમાં આવ્યું છે અને ૩ જૂન ૨૦૨૫ સુધી લાગુ રહેશે.

✍️ અહેવાલ:
નરેન્દ્ર દવે સાથે જગદીશ યાદવ, જૂનાગઢ