🚨 અમરોલી ક્રાઈમ બ્રાન્ચ યુનિટનું ભવ્ય લોકાર્પણ, પોલીસ કમિશ્નર અનુપમ સિંહ ગેહલોતના હસ્તે ઉદ્ઘાટન

સુરત શહેરના અમરોલી વિસ્તારમાં હવે ગુનાહોના વધુ અસરકારક દમન માટે એક નવા પગલાની શરૂઆત થઈ છે. અમરોલી પોલીસ સ્ટેશનની સર્વેલન્સ ઓફિસ ખાતે ‘ક્રાઈમ બ્રાન્ચ યુનિટ’નું ભવ્ય લોકાર્પણ કરવામાં આવ્યું છે.

આ યુનિટનું ઉદ્ઘાટન સુરત શહેરના પોલીસ કમિશ્નર શ્રી અનુપમસિંહ ગેહલોતના હસ્તે કરવામાં આવ્યું હતું. લોકાર્પણ સમારોહ દરમિયાન ડીસીપી, એસીપી તેમજ અન્ય ઉચ્ચ પોલીસ અધિકારીઓ ઉપસ્થિત રહ્યા હતા.

આ પ્રસંગે અંજની અને વેદાંત ઈન્ડસ્ટ્રીઝના ઉદ્યોગપતિઓ, અમરોલી પોલીસ સ્ટેશનના અધિકારીઓ અને સ્ટાફ, તેમજ સ્થાનિક આગેવાનો પણ ઉપસ્થિત રહી આ નવી ક્રાઈમ યુનિટના કાર્યના શુભારંભના સાક્ષી બન્યા હતા.

અહીં ઉમેરવામાં આવેલી નવી ક્રાઈમ બ્રાન્ચ યુનિટથી સ્થાનિક પોલીસને ગુનાઓની તપાસ અને નિયંત્રણમાં વધુ તકેદારી અને તકરાર વગર કાર્યક્ષમતા વધશે એવી અપેક્ષા છે.

📝 અહેવાલ:બ્યુરો રિપોર્ટ