🚨 કેશોદના કેવદ્રા ગામેથી નવ જુગારીઓ ₹32,630 રોકડ મુદામાલ અને મોબાઈલ સાથે ઝડપાયા 🚨

કેશોદ: કેશોદ તાલુકાના કેવદ્રા ગામના પરા વિસ્તારમાં બાવળના ઝાડ નીચે લાઈટના અજવાળે તીનપતીનો જુગાર રમતા નવ જુગારીઓને કેશોદ પોલીસ દ્વારા રંગેહાથ ઝડપી પાડવામાં આવ્યા હતા.

પ્રાપ્ત માહિતી મુજબ, કેશોદ પોલીસ સ્ટેશનના હેડ કોન્સ્ટેબલ પ્રકાશભાઈ જીવાભાઈ ડાભી, રણજીતભાઈ મેરામભાઈ ડાંગર, પોલીસ કોન્સ્ટેબલ કરણભાઈ હમીરભાઈ ભાટિયા, રવિભાઈ જગદીશભાઈ ધોળકિયા અને સુરેશભાઈ મોહનભાઈ ભંભાણા પેટ્રોલિંગમાં હતા ત્યારે તેમને બાવળના ઝાડ નીચે કેટલાક લોકો જુગાર રમતા હોવાની માહિતી મળી હતી.

પોલીસે તુરંત પંચો બોલાવી સ્થળ પર પહોંચી રેઈડ કરી ત્યારે રમેશભાઈ કાળાભાઈ મક્કાના ખેતર બહાર નવ શખ્સો તીનપતીનો જુગાર રમતા મળ્યા હતા. પોલીસને જોઈને તેઓ ભાગવાના પ્રયાસમાં હતા પરંતુ પોલીસના જવાનોએ તેમને જલ્દીથી પકડી લીધા.

પોલીસે ₹10,630 રોકડ, ₹22,000 ના 8 મોબાઈલ ફોન સહિત કુલ ₹32,630 નો મુદામાલ કબજે કર્યો હતો.

પકડી પડેલા આરોપીઓના નામ નીચે મુજબ છે:

1. હિતેશભાઈ ઉર્ફે બાબરો ભીખુભાઈ ચૌહાણ (ઉ.વ. 38)
2. રાહુલભાઈ કાંતિભાઈ ચૌહાણ (ઉ.વ. 31)
3. નવનીતભાઈ રામદેભાઈ વેગડા (ઉ.વ. 25)
4. હીરજીભાઈ હમીરભાઈ ચુડાસમા (ઉ.વ. 48)
5. રવજીભાઈ ઘેલાભાઈ નનેરા (ઉ.વ. 44)
6. કાંતીલાલ જેન્તીલાલ પરમાર (ઉ.વ. 33)
7. ઉમેશભાઈ દેવજીભાઈ વાસણ (ઉ.વ. 39)
8. સંજયભાઈ ઉર્ફે ભાવેશ દેવાભાઈ માવડીયા (ઉ.વ. 34)
9. ધીરુભાઈ વિરમલભાઈ સિસોદિયા (ઉ.વ. 45)

આ મામલે જુગાર ધારા હેઠળ ગુનો નોંધવામાં આવ્યો છે. આગળની તપાસ કેશોદ પોલીસ સ્ટેશનના હેડ કોન્સ્ટેબલ પેથાભાઈ ઘેલાભાઈ કોડીયાતર દ્વારા કરવામાં આવી રહી છે.

અહેવાલ : રાવલિયા મધુ, કેશોદ