🚨 ડભોઈ તાલુકાના સીમળીયા પાસે ઈક્કો વાહનનો ભયંકર અકસ્માત, એકના મોત સાથે ચાલક ઇજાગ્રસ્ત

વડોદરા / ડભોઈ:

વડોદરા જિલ્લાના ડભોઈ તાલુકાના સીમળીયા પાસે આજે એક દુઃખદ માર્ગ અકસ્માત સર્જાયો છે. એક ઇક્કો વાહન ચાલકે સ્ટિયરિંગ પરથી કાબૂ ગુમાવતા રસ્તે ચાલતા એક પાદચારીને ટક્કર મારી હતી, જેને કારણે તેમનું ઘટનાસ્થળે જ દુઃખદ અવસાન થયું છે.

મળતી માહિતી મુજબ ઇક્કો ચાલક સ્ટીયરિંગ પરનો કાબૂ ગુમાવતાં વાહન અનિયંત્રિત થઈ ગયું હતું. આ ઘટનામાં ઇક્કો ચાલકને પણ ગંભીર ઇજાઓ પહોંચી હતી અને તેને તાત્કાલિક 108 એમ્બ્યુલન્સની મદદથી સારવાર માટે ખસેડવામાં આવ્યો છે.

દુર્ઘટનાની જાણ થતાં પોલીસ તાત્કાલિક ઘટનાસ્થળે પહોંચી હતી અને આગળની કાર્યવાહી હાથ ધરી છે. મૃતકના ઓળખની તથા વધુ તપાસ ચાલુ છે.

(અહેવાલ: હર્ષ પટેલ, વડોદરા)