🚨 બ્રેકિંગ: ડભોઇ પાસે ગમખ્વાર અકસ્માત

લગ્ન પ્રસંગે જઈ રહેલા ત્રણ મિત્રોનો ભયંકર અકસ્માતમાં કરૂણ અંત, એક પોલીસ કર્મી સહિત ત્રણેના મોત

📍 સ્થળ: ગોપાલપુરા નજીક, ડભોઇ – જિલ્લા વડોદરા
✍️ રિપોર્ટર: વિવેક જોષી, ડભોઇ

🛣️ દુર્ઘટનાની વિગત:
ડભોઇના ગોપાલપુરા ગામની સીમમાં બોલેરો અને બાઈક વચ્ચે ગમખ્વાર અકસ્માત સર્જાયો છે. લગ્ન પ્રસંગે કવાંટ જતાં ત્રણ મિત્રો અકસ્માતનો ભોગ બન્યા હતા. અકસ્માતમાં બે જણાનું ઘટનાસ્થળે જ અને એકનું સારવાર દરમિયાન હોસ્પિટલમાં દુઃખદ અવસાન થયું છે.

🧑‍✈️ મૃતકોમાં એક પોલીસ કર્મી:
મૃતકમાંથી એક, મુકેશ સનાભાઈ રાઠવા, કપુરાઈ પોલીસ સ્ટેશનમાં ફરજ બજાવતા હતા અને મૂળ તુરખેડા, છોટાઉદેપુરના નિવાસી હતા. તેમને વડોદરા એસએસજી હોસ્પિટલ ખસેડવામાં આવ્યા હતા, જ્યાં સારવાર પહેલાં જ તેમનું અવસાન થયું.

🙏 બાકી બે મિત્રો – સુરેશ નરસિંગ રાઠવા અને હરેશ રામસિંગ રાઠવા, બંને કનલવા ગામના રહેવાસી હતા અને પી.એસ.આઈ. પરીક્ષા આપી ચૂક્યા હતા. અકસ્માતના સ્થળે જ તેમનું કમકમાટીભર્યું મોત થયું.

🚓 બોલેરો ચાલક ફરાર, પોલીસે તપાસ શરૂ કરી:
ઘટનાની જાણ થતાં ડભોઇ પોલીસ ઘટના સ્થળે પહોંચી હતી અને મૃતદેહોને પીએમ માટે ખસેડી કાયદેસરની કાર્યવાહી શરૂ કરી છે. બોલેરો ડ્રાઇવર ઘટના પછી ફરાર થઈ ગયો છે, જેના શોધખોળ માટે પોલીસની ટીમ કાર્યરત છે.