🚨 માળીયા હાટીના ગળોદર ગામે ઓવરલોડ ડમ્પરથી મોટો અકસ્માત, મોટી જાનહાની ટળી – તંત્ર સામે AAP આગેવાને ચીમકી ઉચ્ચારી!

જી.જૂનાગઢ | માળીયા હાટી |
માળીયા હાટીના ગળોદર ગામ નજીક હાઈવે પર આજે વહેલી સવારે એક ઓવરલોડ ડમ્પર અકસ્માતગ્રસ્ત બન્યું હતું. ઘટનામાં મોટી જાનહાની ટળી હોવા છતાં ગ્રામજનોમાં રોષની લાગણી જોવા મળી રહી છે. ડમ્પરનું નિયંત્રણ ગુમાવતાં તે AAP આગેવાન પિયુષ પરમારના સગા નિવાસસ્થાન પાસે ઘૂસી ગયું હતું, જેમાં પાણીની નળની લાઇન તૂટી ગઈ અને વિસ્તૃત નુકસાન થયું છે.

📍 ઘટનાસ્થળની વિગતો:

• હાઇવે પર ખનીજ ચેકિંગથી બચવા ડમ્પર એક બાજુ ખસાવાયું હોવાની આશંકા
• ઓવરલોડ હોવાને કારણે ડ્રાઇવરનું કાબૂ છૂટી ગયું
• સ્થાનિકોના જણાવ્યા મુજબ ડ્રાઇવર શંકાસ્પદ હાલતમાં હતો અને પીધેલ હોવાની આશંકા

📣 AAP આગેવાન પિયુષ પરમારનું નિવેદન:
“તંત્ર જો તાત્કાલિક પગલા નહીં લે તો આપ પાર્ટી દ્વારા આંદોલન કરાશે. સ્થાનિક જનતાની જિંદગી જોખમમાં મુકાઈ છે. હવે સહન નહીં થાય!”

🔍 પ્રશ્નચિન્હ ઊભા થયેલા મુદ્દાઓ:

• ડમ્પર ક્યાંથી આવ્યું? કોણે મોકલાવ્યું?
• ખનીજ ચોરી સામે તંત્રના ઢીલા વલણ પર ઉઠ્યાં પ્રશ્ન
• શું જવાબદાર અધિકારીઓ સામે કાર્યવાહી થશે?

💬 સ્થાનિકોની માગણી:
તાત્કાલિક તપાસ, ડ્રાઇવર સામે કાયદેસર કાર્યવાહી અને ખનીજ ચેકિંગ વધારવાની માંગ સાથે તંત્ર સામે દેખાવની ચીમકી

📌 અહેવાલ: પ્રતાપ સીસોદીયા, માળીયા હાટી