🚨 સુરતમાં પોલીસ કમિશનરની અધ્યક્ષતામાં હેલ્મેટ વિતરણ કાર્યક્રમ 🚨

સુરત શહેરમાં આજે પોલીસ કમિશનરની અધ્યક્ષતામાં સનોરા સોલાર અને તાપી પોલીસ દ્વારા હેલ્મેટ વિતરણ કાર્યક્રમ યોજાયો હતો. આ કાર્યક્રમ પોલીસ પરેડ ગ્રાઉન્ડ ખાતે યોજાયો હતો, જેમાં 250 જેટલા ટીચર્સને હેલ્મેટ વિતરણ કરવામાં આવ્યા હતા.

કાર્યક્રમમાં સનોરા સોલારના આગેવાનો, પોલીસ કમિશનર સાહેબ અને અન્ય ઉચ્ચ પોલીસ અધિકારીઓ હાજર રહ્યા હતા. આ પ્રસંગે સનોરા સોલાર દ્વારા ખાસ ડિઝાઇન કરાયેલા હેલ્મેટનો લોન્ચિંગ પોલીસ કમિશનર દ્વારા કરવામાં આવ્યો.

આ પ્રસંગે એક ખાસ ગાડી શાળાઓમાં પ્રદર્શન માટે રાખવામાં આવશે, જેમાં એલઇડી સ્ક્રીન મારફતે હેલ્મેટ વિષે જનજાગૃતિ લાવવામાં આવશે. 15 ફેબ્રુઆરીથી હેલ્મેટના ઉપયોગ અંગે સખ્ત અમલ શરૂ કરાયો હતો, જેના પરિણામે સુરતમાં હેડ ઈન્જરીના કેસો 60% સુધી ઘટ્યા છે. આ કાર્યક્રમ દ્વારા લોકોમાં પોતાની સલામતી માટે હેલ્મેટ પહેરવાની મહત્વતા અંગે જાગૃતિ લાવવામાં આવી છે.