🚩 કોટેશ્વર ખાતે નવહતી મેળામા આદિવાસી સમાજે અસ્થી વિસર્જન કરી પરંપરા નિભાવી 🚩

ગુજરાતના સૌથી મોટા શક્તિપીઠથી સાત કિલોમીટર દૂર આવેલા કોટેશ્વર ખાતે ફાગણ વદ તેરસના દિવસે આદિવાસી સમાજ દ્વારા વર્ષોથી ચાલતી પરંપરાગત નવહતીનો મેળો યોજાયો. આ મેળામાં અમીરગઢ, દાંતા અને રાજસ્થાન સહિતના વિસ્તારોમાંથી હજારો આદિવાસીઓ ભેગા થયા હતા. વર્ષ દરમિયાન સ્વજનના અવસાન બાદ તેમના અગ્નિ સંસ્કાર બાદ અસ્થિઓ માટીની કુલડીમાં ભરીને રાખવામાં આવતી હતી. નવહતી મેળા ના દિવસે પરિવારના સભ્યો આ અસ્થિઓ કોટેશ્વર ખાતે લાવી સરસ્વતી નદીના કુંડમાં વિસર્જન કરતા હોય છે.

અસ્થિ વિસર્જન દરમિયાન પરિવારના સભ્યો ભાવુક બની સ્વજનોને યાદ કરે છે. વિસર્જન પછી શોક સમાપ્ત કરવા માટે કુટુંબના લોકો લોટ, તેલ અને મીઠાઈ જેવી વસ્તુઓનું દાન કરે છે. સરસ્વતી નદીમાં અસ્થિ વિસર્જન કરવાથી મૃતકના આત્માને શાંતિ મળે છે અને સારા સ્થળે પુનર્જન્મ થાય છે તેવી માન્યતા છે. મહાદેવના દર્શન કરીને લોકો માટે પવિત્રતા અને શાંતિની લાગણી અનુભવી હતી.

અહેવાલ :- ઉમેશ ઠાકોર, બનાસકાંઠા