🚩 ધરમપુર રામમય બન્યું! શ્રી કાળારામજી મંદિરે રામનવમીની ધમાકેદાર ઉજવણી 🎉

ધરમપુરના ઇતિહાસમાં આજનો દિવસ સોનાની અક્ષરોથી લખાશે! સમગ્ર નગર જયશ્રીરામના નારાથી ગુંજી ઉઠ્યું ત્યારે લાગ્યું કે અહીં ખુદ અયોધ્યા આવી વસેલી છે!

250 વર્ષ જૂના પાવન કાળારામજી મંદિરે બપોરે 12:39 વાગ્યે શ્રી રામલલ્લાના બાળ સ્વરૂપની મૂર્તિનું શાસ્ત્રીય વિધિઅનુસાર પદમાર્પણ કરવામાં આવ્યું, જ્યાં નગરના સહુ લોકોએ ભાવભક્તિથી હાજરી આપી. ભક્તિમય વાતાવરણે સૌને રામભક્ત શબરી, હનુમાન અને રામલલાના સ્મરણમાં ડૂબી જવા મજબૂર કરી દીધાં.

બપોરે 3 વાગ્યે જયશ્રીરામના ગગનભેદી નારાઓ સાથે ભવ્ય શોભાયાત્રા નીકળી – ડીજેના ધમાકા, ઢોલના તાલ અને તુર-તુરાની ઘૂંટી સાથે યુવાધન ઝૂમી ઉઠ્યું! નાના ભૂલકાઓને રામ-લક્ષ્મણ-સીતાના વેશમાં બેસાડેલી ઝાંખીઓ જોઇ લોકોના દિલ જીતી લીધા!

શોભાયાત્રા નગરના મુખ્ય માર્ગો પર ફેરીને ફરી મંદિર પરત આવી – જ્યાં સાંજે મહાપ્રસાદ અને રક્તદાન શિબિરનું આયોજન કરવામાં આવ્યું. વિશ્વ હિન્દુ પરિષદ, બજરંગ દળ અને નગરજનોના સમૂહ પ્રયાસથી સમગ્ર કાર્યક્રમ સફળ અને શાંતિપૂર્ણ રહ્યો.

આજનો દિવસ ધરમપુર માટે રામભક્તિ અને એકતાનો જીવંત દાખલો બની રહ્યો! 🔱🚩

અહેવાલ: સુરેશ પરેરા, ધરમપુર