🛑 ઉપલેટામાં લગ્ન પ્રસંગે આવેલી યુવતીનો બાઈક અકસ્માત, ઘાઈલાને હોસ્પિટલ ખસેડવામાં આવી

ઉપલેટા, રાજકોટ જિલ્લામાં:
રાજકોટ જિલ્લાના ઉપલેટામાં મોડી રાત્રે અકસ્માતની ઘટના સામે આવી છે, જેમાં લગ્ન પ્રસંગે જૂનાગઢથી ઉપલેટા આવેલ યુવતી ગંભીર રીતે ઇજાગ્રસ્ત થઇ હતી.

પ્રાપ્ત માહિતી મુજબ, દયાબેન મનુભાઈ ગોસ્વામી નામની ૩૫ વર્ષીય યુવતી ઉપલેટા શહેરના નાગનાથ ચોક પાસે આવેલા પેટ્રોલ પંપ પરથી પેટ્રોલ ભરી બહાર નીકળતી હતી ત્યારે બાઈક આગળ અચાનક કૂતરું આવી પડતાં બાઈક સ્ટિયર થઈ જતાં યુવતી રોડ પર પટકાઈ હતી.

આ અચાનક બનેલા અકસ્માતમાં દયાબેનના માથા તથા હાથ-પગમાં ગંભીર ઇજાઓ પહોંચતા 108 એમ્બ્યુલન્સ મારફતે તાત્કાલિક પ્રાથમિક સારવાર આપી ઉપલેટાની કોટેજ હોસ્પિટલમાં ખસેડવામાં આવી હતી.

હાલમાં યુવતીની તબિયત સ્થિર હોવાનું જાણવા મળે છે અને વધુ સારવાર માટે હોસ્પિટલ તંત્ર દ્વારા જરૂરી પગલાં લેવામાં આવી રહ્યા છે.
પોલીસ અને તંત્ર દ્વારા અકસ્માત અંગે જરૂરી કાર્યવાહી હાથ ધરવામાં આવી છે.