🛑 ખનીજ માફિયાઓ સામે જિલ્લા તંત્રની મોટી કાર્યવાહી – ૧૮.૧૪ કરોડનો દંડ ફટકારાયો

📍 પાટણ-વેરાવળ, ૨૨ ફેબ્રુઆરી ૨૦૨૫: જિલ્લા તંત્ર દ્વારા ગેરકાયદેસર ખનીજ નિકાસ કરનાર પર વધુ એક કડક કાર્યવાહી હાથ ધરવામાં આવી છે. સીમર પોર્ટ પ્રા.લી., રાજમોતી પોર્ટસ એન્ડ શીપીંગ પ્રા.લી., અને રાજમોતી બિલ્ડર્સ સામે રૂ. ૧૮.૧૪ કરોડનો દંડ ફટકારવામાં આવ્યો છે.

🕵🏻‍♂️ તપાસ દરમિયાન મોટા પાયે ગેરકાયદેસર ખનનનો પર્દાફાશ
કલેક્ટર દિગ્વિજયસિંહ જાડેજાની સૂચના હેઠળ રેવન્યુ વિભાગ અને ખાણ-ખનીજ કચેરીની સંયુક્ત ટીમે ૧૭ ફેબ્રુઆરી ૨૦૨૫ના રોજ પાટણ-વેરાવળ તાલુકાના લુમ્ભા ગામે સર્વે નં. ૪૫ પૈકી ૬ માં ૪.૯૯.૯૦ હેક્ટર વિસ્તારમાં આવેલી ક્વોરી લીઝની તપાસ કરી હતી.

✅ તપાસમાં ખુલાસો:
🔹 ૩,૯૯,૬૨૭ મેટ્રિક ટન બ્લેકટ્રેપ ખનીજ ગેરકાયદેસર રીતે નિકાસ કરાયું હતું.
🔹 જિલ્લા તંત્રે આ મામલે રૂ. ૧૮,૧૪,૩૦,૬૫૮/- જેટલો દંડ ફટકાર્યો.
🔹 આ ક્વોરી લીઝ સીધા રાજમોતી પોર્ટસ અને બિલ્ડર્સને વેચાઈ ગઈ હોવાનું ખુલ્યું, પરંતુ મંજૂરી વગર લેવાયેલ જમીન માટે શરતભંગની અલગ કાર્યવાહી થશે.

🛑 જિલ્લા તંત્રના આ નિર્ણયથી ખનીજ માફિયાઓ સામે કડક સંદેશો જવા પામ્યો છે અને ગેરકાયદેસર ખનન કરતા માફિયાઓ પર અંકુશ લગાવવાની તંત્રની મજબૂત મંજુરશક્તિ ફરી એકવાર સાબિત થઈ છે.

📍 અહેવાલ: પ્રકાશભાઈ કારાણી, વેરાવળ