🛕 જેતપુરમાં મહાદેવના મંદિરમાં તોડફોડ, દાનપેટી ચોરીનો પણ સ્થાનિકોનો આક્ષેપ

રાજકોટ જિલ્લો, જેટપુર – તા. 15 મે,
જેતપુરના આવાસ યોજના દેરડી ધાર પાસે આવેલ જય મંગલેશ્વર મહાદેવના પવિત્ર મંદિરમાં તોડફોડની ઘટનાઓ સામે આવતા સમગ્ર વિસ્તારમાં શ્રદ્ધાળુઓમાં રોષ ફાટી નીકળ્યો છે.

📍 પ્રાપ્ત માહિતી અનુસાર, અજાણીયા શખ્સો દ્વારા મંદિરની અંદર ઘુસી ને ગૌમુખ, નંદી અને અન્ય મૂર્તિઓને નુકસાન પહોંચાડવામાં આવ્યું છે.
સાથે જ મંદિરની દાનપેટી પણ ઉપાડી લઈ ગયા હોવાનો આક્ષેપ સ્થાનિક રહીશો દ્વારા કરવામાં આવ્યો છે.

🙏 મંદિરની પવિત્રતા સાથે ખેલવાડ કરનાર આવારા તત્વોએ શ્રદ્ધાળુઓના ભાવનાને ઘાટ પહોંચાડતા શ્રદ્ધાળુઓ અને વિસ્તારના લોકોમાં ભારે રોષ જોવા મળ્યો છે.

🚔 ઘટના અંગે સ્થાનિકોએ તરતજ જેતપુર ઉદ્યોગ નગર પોલીસને જાણ કરતાં પોલીસે સ્થળ પર પહોંચી તપાસ શરૂ કરી છે.
હાલ પોલીસ દ્વારા મંદિર પરિસરનાં CCTV ફૂટેજ તથા આસપાસના લોકોએ આપેલી માહિતીના આધારે ગુનો નોંધી કાર્યવાહી હાથ ધરવામાં આવી છે.

📢 સ્થાનિકોની માંગ છે કે મંદિરોમાં રાત્રિ દરમિયાન સુરક્ષા વ્યવસ્થા કડક કરવામાં આવે અને આવી તત્વોને ઝડપથી પકડવામાં આવે જેથી આવિ ઘટનાઓ ફરી ન બને.