🛡️ ઓપરેશન શીલ્ડ અંતર્ગત બ્લેકઆઉટ ડ્રિલ : જનતાને સહભાગી થવાની અપીલજૂનાગઢ-કેશોદ શહેરમાં તા. 31મી મેના રોજ રાત્રે 8:30થી 9 વાગ્યા સુધી બ્લેકઆઉટ રહેશે

જૂનાગઢ | તા. 31 મે :
ઝૂનાગઢ અને કેશોદ શહેરમાં રાષ્ટ્રીય સુરક્ષા કાર્યક્રમ અંતર્ગત ઓપરેશન શીલ્ડની અમલવારીરૂપે મોકડ્રીલ યોજવામાં આવશે. જિલ્લા કલેકટર અનિલકુમાર રાણાવસિયાની અધ્યક્ષતામાં યોજાયેલી બેઠકમાં કાર્યક્રમની તૈયારી અને જાહેર સહભાગીતાની રણનીતિ નક્કી કરવામાં આવી.

મોકડ્રીલ અંતર્ગત સાંજે 8:30 વાગ્યે સાયરન વાગશે અને ત્યારબાદ સંપૂર્ણ બ્લેકઆઉટનું પાલન કરવા જિલ્લા વહીવટી તંત્રએ અનુરોધ કર્યો છે. રહેણાંક, બિનરહેણાંક અને વાહન વ્યવહારમાં પણ લાઇટ બંધ રાખવી જરૂરી રહેશે. વેપારીઓ, સેવાકીય સંસ્થાઓ, નિવૃત્ત સૈનિકો સહિતના દરેક વર્ગે તેમનો સહયોગ આપવા અપીલ કરવામાં આવી છે.

📢 ઇન્દ્રભારતી બાપુનો સહયોગ:
ભવનાથ વિસ્તારના તમામ આશ્રમો બ્લેકઆઉટમાં જોડાશે. ઇન્દ્રભારતી બાપુએ જણાવ્યું કે, “દેશ માટે અડધો કલાક માટે લાઈટ બંધ રાખવી એ નાની પણ મહત્વની સેવા છે.”

📍 કાર્યક્રમના મુખ્ય હેતુ:

• હવાઈ હુમલાની પરિસ્થિતિમાં નાગરિકોનું રક્ષણ
• વિવિધ તંત્રોની તૈયારીઓની ચકાસણી
• જનજાગૃતિ અને જનસહભાગીતાની કવાયત

📌 બ્લેકઆઉટ દરમિયાન ઈમરજન્સી સેવાઓ યથાવત રહેશે.

આ બેઠકમાં મહેન્દ્રાનંદ ગીરીજી બાપુ, પી.એ. જાડેજા (નિવાસી અધિક કલેકટર), ચરણસિંહ ગોહિલ (પ્રાંત અધિકારી), હિતેશ ધાંધલીયા (ડીવાયએસપી) સહિત વિવિધ વિભાગોના અધિકારીઓ અને એનજીઓના પ્રતિનિધિઓ ઉપસ્થિત રહ્યા હતા.

📷 અહેવાલ: નરેન્દ્ર દવે સાથે જગદીશ યાદવ – જૂનાગઢ