🛵 નવી GJ11CT ટુ-વ્હીલર સીરીઝનું ઓક્શન રદ – જૂનાગઢ RTOનો મહત્વનો નિર્ણય

જૂનાગઢ, તા. ૩૦:
જૂનાગઢ આરટીઓ દ્વારા ટુ વ્હીલર માટે નવી સિરીઝ GJ11CTનું ઓક્શન અને ઓનલાઈન રજિસ્ટ્રેશન રદ કરવામાં આવ્યું છે. મૂળ યોજના મુજબ ૫ મે ૨૦૨૫થી આ સિરીઝ માટેના પસંદગીના નંબરો માટે ઓક્શન શરૂ થવાનું હતું, પરંતુ હવે વાહન વ્યવહાર કમિશનરશ્રીના નિર્દેશ અનુસાર આ સિરીઝનો ઉપયોગ માત્ર ટ્રાન્સપોર્ટ વાહનો માટે જ કરવાનું નક્કી કરાયું છે.

આ નિર્ણયના કારણે તે તમામ લોકો માટે અવરોધ ઉભો થયો છે જેઓ પોતાને પસંદગીના નંબર માટે ઓનલાઈન પોર્ટલથી ઓક્શન પ્રક્રિયામાં ભાગ લેવા ઈચ્છતા હતા. જૂનાગઢ RTOએ જણાવ્યું છે કે ટૂંક સમયમાં ટુ વ્હીલર માટે નવી સિરીઝ જાહેર કરવામાં આવશે.

આ અંગેની વધુ માહિતી માટે વાહન માલિકોને આરટીઓ કચેરીની વેબસાઈટ કે હેલ્પલાઇન સંપર્ક કરવા જણાવવામાં આવ્યું છે.

અહેવાલ: નરેન્દ્ર દવે સાથે જગદીશ યાદવ, જૂનાગઢ