🟠 અહિલ્યાબાઈ હોલકરની 300મી જન્મજયંતિ નિમિત્તે જૂનાગઢ ગીરનાર કમલમ ખાતે મહિલા ગોષ્ઠી યોજાઈ

અહેવાલ: નરેન્દ્ર દવે સાથે જગદીશ યાદવ, જૂનાગઢ

ભારતીય જનતા પાર્ટી જૂનાગઢ મહાનગર દ્વારા ગિરનાર કમલમ ખાતે પુણ્યશ્લોક અહિલ્યાબાઈ હોલકર ની 300મી જન્મજયંતિ નિમિત્તે મહિલા ગોષ્ઠી કાર્યક્રમ યોજાયો હતો.

પ્રદેશ આગેવાનો તેમજ મહાનગર અધ્યક્ષ ગૌરવભાઈ રુપારેલિયા સહિત અગ્રણીઓની ઉપસ્થિતિમાં યોજાયેલ કાર્યક્રમમાં પ્રોફેસર વિષ્ણાલભાઈ જોશીએ અહિલ્યાબાઈના જીવન, કાર્યો અને શાસનકાર્ય અંગે વિસ્તૃત માહિતી આપી હતી.

તેમણે જણાવ્યું હતું કે અહિલ્યાબાઈ હોલકર ન માત્ર મરાઠા સામ્રાજ્યની મહાન રાણી રહી, પણ એક પ્રજાવત્સલ શાસિકા, સમાજસેવી અને સ્ત્રી શક્તિનું પ્રતિક પણ હતી.

અહિલ્યાબાઈએ પોતાના પતિના મૃત્યુ બાદ પણ શાસન સંભાળીને ઇન્દોર રાજ્યને સુશાસનનું મોડેલ બનાવ્યું હતું. તેમના શાસનકાળને ઇતિહાસમાં “સુવર્ણ યુગ” તરીકે ઓળખવામાં આવે છે.

કાર્યક્રમ દરમિયાન વિવિધ મહિલા આગેવાનો સહિત કાર્યકર્તાઓએ અહિલ્યાબાઈના વ્યક્તિત્વમાંથી પ્રેરણા લઈ સ્ત્રી શક્તિના સશક્તીકરણ માટે સંકલ્પબદ્ધ થવાનું આહવાન કર્યું હતું.

કાર્યક્રમમાં સંયોજક મુકેશભાઈ ગજેરા, સહ-સંયોજિકા જ્યોતિબેન વાડોલિયા સહિત પક્ષના અગ્રણીઓ તથા વહિવટી અને સામાજિક ક્ષેત્રે સક્રિય અનેક મહિલાઓની ઉપસ્થિતિ રહી હતી.

આભારવિધિ શિતલબેન તન્નાએ અર્પણ કરી હતી.