🟢 “જિલ્લા કલેક્ટર તરીકે પદભાર સંભાળતા એન.વી. ઉપાધ્યાય, ભગવાન શ્રી સોમનાથના ચરણે શીશ ઝૂકાવી ચાર્જ સંભાળ્યો”

ગીર સોમનાથ, તા. ૦૮:
ગીર સોમનાથ જિલ્લાના નવી નિમણૂક મળેલા કલેક્ટર એન.વી. ઉપાધ્યાયએ આજે સવારે, દ્વાદશ જ્યોતિર્લિંગ પૈકીના પ્રથમ જ્યોતિર્લિંગ એવા શ્રી સોમનાથ ભગવાનના ચરણે શીશ ઝૂકાવી, જિલ્લા કલેક્ટર તરીકે પદભાર સંભાળ્યો.

જિલ્લા વહીવટી તંત્રના અધિકારીઓએ નવા કલેક્ટરનું ફુલહાર અને બુકે આપીને સ્વાગત કર્યું હતું.

ચાર્જ સંભાળ્યા પછી, એન.વી. ઉપાધ્યાયએ જિલ્લા વિકાસની ગતિ-પ્રગતિને આગળ વધારવા માટે દાયિત્વ નિભાવવાની નેમ વ્યક્ત કરી હતી.

એન.વી. ઉપાધ્યાય આ અગાઉ ગાંધીનગરમાં સહકાર રજીસ્ટ્રાર તરીકે ફરજ બજાવતાં હતા અને અગાઉ ભાવનગર, સુરત, ભરૂચ, વલસાડ, નખત્રાણા અને પાટણ જેવા વિસ્તારોમાં પ્રાંત અધિકારી તરીકે પણ સેવા આપી છે.

અહેવાલ: પ્રકાશ કારાણી, વેરાવળ