🦁 સિંહોના સંરક્ષણ માટે ખુલ્લા કુવામાં પારાપેટ બાંધવા સરકારશ્રીની ૯૦% સબસીડી યોજનાનો લાભ લો!

ખુલ્લા કુવા હવે નહીં બની wildlife માટે ખતરો – ખેડૂતો માટે મોખરેથી કામગીરી કરવાનું સાર્વજનિક અનુરોધ

જૂનાગઢ, તા. ૧૭:
વિશ્વમાં એશિયાઈ સિંહનું એકમાત્ર નિવાસસ્થાન તરીકે ઓળખાતા ગીર જંગલ અને તેના આસપાસના વિસ્તારોમાં વન્યપ્રાણીઓ માટે સલામતી જાળવવી હવે માત્ર વન વિભાગની નહીં પરંતુ ગુજરાતના દરેક નાગરિકની સંયુક્ત જવાબદારી બની ગઈ છે. ગુજરાત સરકાર હવે આ દિશામાં વધુ એક મજબૂત પગલું ભરી રહી છે – ખુલ્લા કુવાઓને સુરક્ષિત બનાવવી માટે “પારાપેટ હોલ બાંધવાની યોજના” હેઠળ ખેડૂતોને ૯૦ ટકા સબસીડીની રાહત આપવામાં આવી રહી છે.

ગુજરાતનું ગૌરવ – એશિયાઈ સિંહ:
સૌરાષ્ટ્રના અંદાજિત ૨૦,૦૦૦ ચો.કીમી વિસ્તારમાં મુક્તપણે વિહારતા સિંહોની વસ્તી આજે સ્થિર અને વધતી રહી છે, જેનું મુખ્ય શ્રેય એક તરફ વન વિભાગના સતત પ્રયાસોને મળે છે અને બીજી તરફ સ્થાનિક જનતા, ખેડૂતો તથા પશુપાલકોના સહયોગને.

કેટલાંક ખુલ્લા કુવા બની રહ્યા છે મોતનાં કૂવામાં:
વન્યપ્રાણીઓના પરિભ્રમણ વિસ્તારોમાં ખુલ્લા રહેતા કુવાઓ તેમના માટે જીવલેણ સાબિત થઈ રહ્યા છે. ખાસ કરીને શાવકો, ચિત્તા, સિંહ, નિલગાય, હરણ વગેરે માટે અચાનક આવી પડેલ કૂવો જીવને ખતમ કરી શકે છે. આવી ઘટનાઓનું નિવારણ લાવવા ગુજરાત સરકાર “ખુલ્લા કુવા પારાપેટ યોજના” અમલમાં મૂકી છે, જેમાં ખેડૂતોને સરકાર તરફથી ૯૦% સુધીના ખર્ચની સહાય આપવામાં આવે છે.

ઈલેક્ટ્રીક વાયર નહિ, સહયોગ આપો:
વન વિભાગની અપીલ છે કે ખેતરના રક્ષણ માટે ઈલેક્ટ્રીક વાયર ન મૂકવામાં આવે. આવા તાત્કાલિક ઉપાયો અનેકવાર માનવજીવન, પશુઓ અને વન્યજીવો માટે ઘાતક સાબિત થયા છે. એના બદલે કાયદેસર અને સુરક્ષિત પદ્ધતિઓ અપનાવવી વધુ શ્રેયસ્કર છે.

શિકારી પ્રવૃત્તિઓનો વિરોધ કરો:
રેવન્યુ વિસ્તારમાં કોઈ શંકાસ્પદ વ્યક્તિ અથવા શિકારથી સંબંધિત ગતિવિધિ જોવા મળે તો તરત નજીકની વન કચેરીમાં જાણ કરો અથવા ટોલ ફ્રી નંબર 1800 233 0789 અથવા 1926 પર માહિતી આપવી.

📢 યોગ્ય સબસીડી મેળવો, જીવ બચાવો – ગીરના ગૌરવ માટે આપણે સૌ મળીને પગલા ભરીએ!

📞 વધુ માહિતી માટે:
નાયબ વન સંરક્ષકશ્રી, ગીર પશ્ચિમ વિભાગ
ટોલ ફ્રી: 1800 233 0789 / 1926

અહેવાલ:
🖊️ નરેન્દ્ર દવે સાથે જગદીશ યાદવ – જૂનાગઢ