🦁 ૧૬મી એશિયાઈ સિંહ વસ્તી ગણતરી મે-૨૦૨૫માં હાથ ધરાશે, પ્રવાસી સ્થળો રહેશે બંધ!

✅ ૧૦થી ૧૩ મે દરમિયાન વસ્તી ગણતરી, ૦૯ મેથી પ્રવાસન પર અસ્થાયી પ્રતિબંધ

જૂનાગઢ, તા. ૧૭:
ગૌરવપ્રદ એશિયાઈ સિંહની વસ્તીનું નિર્ધારણ કરવા માટે ૧૬મી સિંહ વસ્તી ગણતરીનું આયોજન આગામી ૧૦મી મેથી ૧૩મી મે, ૨૦૨૫ સુધી સમગ્ર ગીર વિસ્તૃત વિસ્તારમાં હાથ ધરવામાં આવશે. આ મહત્વપૂર્ણ વન્યસંખ્યા અભિયાન અંતર્ગત વન વિભાગની વિસ્તૃત ટીમો દ્વારા દર વખતની માફક કડક માપદંડો હેઠળ ગણતરી કરવામાં આવશે.

➤ આ દરમિયાન પ્રવાસીઓ માટે શું રહેશે બંધ?
સિંહ સંરક્ષણના દ્રષ્ટિકોણે અને ગણતરીમાં વિઘ્ન ન પડે તે હેતુસર તા. ૦૯/૦૫/૨૦૨૫થી ૧૩/૦૫/૨૦૨૫ સુધી નીચેના પ્રવાસી સ્થળો લોકોની મુલાકાત માટે બંધ રહેશે:

• ગીર અભ્યારણ્ય
• દેવળીયા ગીર પરિચય ખંડ
• આંબરડી સફારી પાર્ક
• પોરબંદર બરડા સફારી
• ગિરનાર નેચર સફારી

📌 પ્રવાસીઓ અને પ્રવાસન એજન્સીઓને વિનંતી છે કે તેઓ આ તારીખોની પૂર્વ જાણ કરીને આયોજન કરે.

➤ વસ્તી ગણતરી કેમ મહત્વપૂર્ણ છે?
આ વસ્તી ગણતરી એશિયાઈ સિંહના સંરક્ષણના દ્રષ્ટિકોણે અને ભવિષ્યના વ્યવસ્થાપન માટે અત્યંત મહત્વ ધરાવે છે. છેલ્લા ઘણા વર્ષોથી લોકોના સહકાર અને વન વિભાગની મહેનતથી સિંહોની સંખ્યા સતત વધી રહી છે. આવી સ્થિતિમાં આ ગણતરી ગીરના જંગલો માટે નવી દિશા આપશે.

➤ અધિકૃત જાણકારી પ્રમાણે…
નાયબ વન સંરક્ષક ડો. મોહન રામ, વન્યપ્રાણી વિભાગ, સાસણ ગીર તરફથી આપવામાં આવેલી માહિતી અનુસાર આ આયોજનના લીધે પ્રવાસન પર લાગૂ પડનાર પ્રતિબંધની ખાસ નોંધ લેવા અનુરોધ કરવામાં આવ્યો છે.

📅 વસ્તી ગણતરી તારીખો: ૧૦ મે – ૧૩ મે, ૨૦૨૫
🚫 પ્રવાસ પર પ્રતિબંધ: ૦૯ મે – ૧૩ મે, ૨૦૨૫
📍 અધિકારી: ડો. મોહન રામ, નાયબ વન સંરક્ષક, વન્યપ્રાણી વિભાગ, સાસણ

અહેવાલ:
🖊️ નરેન્દ્ર દવે સાથે જગદીશ યાદવ – જૂનાગઢ