કોડીનાર:
આંતરરાષ્ટ્રીય યોગ દિવસ–૨૦૨૫ની થીમ “એક પૃથ્વી – એક સ્વાસ્થ્ય માટે યોગ” અન્વયે સમગ્ર ગુજરાતમાં યોગ પ્રવૃત્તિઓ શરૂ થઈ ગઈ છે. ૨૧ જૂનના વિશ્વ યોગ દિવસના પૂર્વે કોડીનારના શ્રી સોમનાથ એકેડેમી ખાતે યોગ અભ્યાસ કાર્યક્રમ યોજાયો હતો.
વિદ્યાર્થીઓએ તજજ્ઞોની આગેવાની હેઠળ વિવિધ યોગાસનો શીખ્યા અને અજમાવ્યા. કાર્યક્રમમાં યોગના ફાયદા અંગે માર્ગદર્શન આપવામાં આવ્યું હતું જેમાં ખાસ કરીને તંદુરસ્ત શરીર, એકાગ્રતા, શાંતિ અને સકારાત્મકતા તરફ દોરી જતાં યોગાસનો અંગે માહિતી આપી હતી.
વિદ્યાર્થીઓમાં યોગ પ્રત્યે ઉત્સાહ જોવા મળ્યો હતો અને તેમને શારીરિક તેમજ માનસિક વિકાસ માટે યોગની આવશ્યકતા સમજાવાઈ હતી. આ કાર્યક્રમ દ્વારા તંદુરસ્ત જીવનશૈલી તરફ પ્રથમ પગલાં ભરી રહ્યા હોય તેવા ભાવ વિદ્યાર્થીઓના ચહેરા પર ઝલકી ઊઠ્યા હતા.
🖊️ અહેવાલ: પ્રકાશ કારાણી, વેરાવળ
