🧘‍♂️ ડી.એલ.એસ.એસ. કોડીનારના ખેલાડીઓએ યોગ દિવસ નિમિત્તે વિવિધ આસનો સાથે યોગાભ્યાસ કર્યો

કોડીનાર, દિનાંક
આજ સમગ્ર વિશ્વમાં આંતરરાષ્ટ્રીય યોગ દિવસની ઉજવણી ઊલ્લાસપૂર્વક કરવામાં આવી રહી છે. ગીર સોમનાથ જિલ્લાના કોડીનાર ખાતે ડી.એલ.એસ.એસ.ના રમતવીર ખેલાડીઓએ યોગ દ્વારા આરોગ્યસંચય અને આંતરિક શક્તિ વધારવાના પ્રયાસરૂપે યોગાભ્યાસ કર્યો.

આ પ્રસંગે ખેલાડીઓએ વિવિધ યોગાસનોનું પ્રદર્શન કર્યું અને યોગવિદ્યા વિશે આંતરિક સમજ મેળવી. યોગ તજજ્ઞોના માર્ગદર્શન હેઠળ ખેલાડીઓને યોગ દ્વારા શરીર કેવી રીતે સ્વસ્થ, લવચીક અને સ્ફૂર્તિવાન રાખી શકાય તે અંગે વિસ્તૃત માહિતી આપવામાં આવી.

યુવાનો અને ખેલાડીઓમાં તંદુરસ્તી પ્રત્યે ઉચિત સમજ જાગે તે માટે યોગવિદ્યા ઉપયોગી બનતી હોય છે. આ કાર્યક્રમમાં માત્ર યોગાસનો જ નહીં પરંતુ યોગની પદ્ધતિ, શ્વાસ નિયંત્રણ અને મનના શાંતિવિષયક પાસાઓનું પણ વિશદ માર્ગદર્શન અપાયું હતું.

ઉલ્લેખનીય છે કે, નગરજનોમાં યોગપ્રત્યે રુચિ વધે અને આરોગ્યપ્રત્યે જાગૃતિ આવે તે હેતુસર યોગ દિવસ નિમિત્તે યોગ વર્ગો શરૂ કરવામાં આવ્યા છે. આ કક્ષાઓ દ્વારા સ્થાનિક રહેવાસીઓ પણ યોગાભ્યાસ સાથે જોડાઈ રહ્યા છે.

📍અહેવાલ: પ્રકાશ કારાણી, વેરાવળ