🧘‍♂️ ભાવનગર રેલવે ડિવિઝનમાં ૧૧મો આંતરરાષ્ટ્રીય યોગ દિવસ ઉજવાશે: ૨૧મી જૂને યોગાભ્યાસ કાર્યક્રમ યોજાશે 🌍

ભાવનગર, તા.૨૧:

પશ્ચિમ રેલવેના ભાવનગર ડિવિઝનમાં ૨૧મી જૂન, ૨૦૨૫ – શનિવારના રોજ ૧૧મો આંતરરાષ્ટ્રીય યોગ દિવસ ધામધૂમથી ઉજવવામાં આવશે. ભારત સરકારના આયુષ મંત્રાલય દ્વારા અપાયેલ માર્ગદર્શિકા મુજબ સવારે ૭:૦૦ વાગ્યાથી ૪૫ મિનિટના યોગ સત્રનું આયોજન કરાયું છે.

ડિવિઝનલ રેલવે મેનેજર શ્રી રવીશકુમાર, એડિશનલ DRM હિમાંશુ શર્મા તથા ડિવિઝનલ અધિકારીઓ, રેલવે કર્મચારીઓ તેમજ રેલવે સુરક્ષા દળના જવાનો પણ આ યોગ સત્રમાં ભાગ લેશે. પતંજલિ યોગ સમિતિ–ભાવનગરના યોગ તાલીમાર્થીઓના માર્ગદર્શન હેઠળ “કોમન યોગા પ્રોટોકોલ” મુજબ આસન, પ્રાણાયામ અને ધ્યાનના વિવિધ અભ્યાસો કરાવાશે.

આ વર્ષની યોગ દિવસની થીમ છે:

“એક પૃથ્વી, એક સ્વાસ્થ્ય માટે યોગ” (Yoga for One Earth, One Health)

સિનિયર ડિવિઝનલ કોમર્શિયલ મેનેજર શ્રી અતુલકુમાર ત્રિપાઠીએ જણાવ્યું હતું કે, યોગ એ માનસિક અને શારીરિક સ્વાસ્થ્ય તરફ દોરી જતો પાથ છે. આ કાર્યક્રમ માત્ર રેલવે ઓફિસીસ પુરતો સીમિત ન રહી, પરંતુ ભાવનગર ડિવિઝનના વિવિધ સ્ટેશનો પર પણ યોગાભ્યાસ કાર્યક્રમોનું આયોજન કરવામાં આવશે.

વેલફેર ટીમ દ્વારા સમગ્ર આયોજન સંભાળવામાં આવશે અને દરેક વિભાગને યોગ સાથે જોડવા પ્રયત્ન કરવામાં આવ્યો છે.

આ કાર્યક્રમ દ્વારા રેલવે પરિવારને તંદુરસ્ત જીવનશૈલી તરફ પ્રેરણા અને એકતાની ભાવના દ્વારા યોગની મહત્તા સમજાવવાનો પ્રયાસ કરવામાં આવશે.

🖊️ અહેવાલ: નરેન્દ્ર દવે સાથે જગદીશ યાદવ, જૂનાગઢ