🩷 નગીનાની નમ્ર આવક: વેરાવળ પાટણ નગરપાલિકા પ્રમુખના પરિવારમાં પુત્રીના જન્મની શ્રદ્ધાસભર ઉજવણી!

સોમનાથ (પ્રભાસ પાટણ):
વેરાવળ પાટણ સંયુક્ત નગરપાલિકાના પ્રમુખ પલવીબેન જાનીના પરિવારમાં પુત્રીના જન્મને પુત્ર સમાન માને સમાજ માટે પ્રેરણાદાયક દ્રષ્ટાંત રજૂ કર્યો છે. પૂર્વ ઉપપ્રમુખ જયદેવભાઈ જાનીના પુત્ર ઋતુરાજ અને શ્વેતાબેનના ગૃહે બાળપરીનો જન્મ થતાં તેનું નામકરણ “પ્રેમા” રાખી ઢોળેથી ઉજવણી કરવામાં આવી હતી.

આ પ્રસંગે પરિવારે સમૂહ ભોજન સમારંભનું આયોજન કરીને પુત્રીજન્મને ઘરમાં લક્ષ્મીજીના પગલા સમાન માની ઉજવણી કરી હતી. સમાજને સંદેશ આપતો આ સમારંભ એક આદર્શ રૂપે સમાજ સામે રજૂ થયો હતો.

આ પ્રસંગે ગીર સોમનાથ જિલ્લાના અનેક જ્ઞાતિપ્રમુખો, રાજકીય અગ્રણીઓ, નગરસેવકો, વેપારીઓ, સોમનાથ ટ્રસ્ટના અધિકારીઓ, બ્રહ્મ સમાજ અને વિવિધ સમાજના આગેવાનો તેમજ મુસ્લિમ સમાજના પ્રતિનિધિઓ સહિત બહોળા પ્રમાણમાં સમાજજનો ઉપસ્થિત રહ્યા હતા. સૌએ પરિવારના આ વિચારોની પ્રશંસા કરી અને પુત્રીજન્મના સન્માનમાં સહભાગી બન્યા.

પ્રેમાના જન્મે જાની પરિવારમાં માત્ર ખુશીઓ જ નહીં, પણ સમાજમાં પોઝિટિવ ચેન્જનો સંદેશ પણ આપી દીધો — કે આજે પુત્રી પણ પુત્ર સમાન જ નથી, પરંતુ વધુ સન્માન લાયક છે.

અહેવાલ: પ્રકાશ કારાણી, વેરાવળ