પશ્ચિમ રેલવે દ્વારા 07 એપ્રિલ, 2025થી બિલખા સ્ટેશનને બી-ગ્રેડમાંથી ડી-ગ્રેડ (ફ્લેગ સ્ટેશન)માં ડાઉનગ્રેડ કરવાનો નિર્ણય લેવામાં આવ્યો છે. આ ફેરફર છતાં, હાલની તમામ ટ્રેનો તેમના નિર્ધારિત સમય મુજબ ચાલુ રહેશે અને મુસાફરો માટે સેવામાં કોઈ ફેરફાર કરવામાં આવ્યો નથી.
સ્ટેશન માસ્ટરની હાજરી નહીં:
07મી એપ્રિલથી બિલખા સ્ટેશન પર કોઈ સ્ટેશન માસ્ટર રહેશે નહીં, એટલે કે સામાન્ય ટિકિટ બુકિંગ અને સંચાલન હવે ગાર્ડ બુકિંગ દ્વારા કરવામાં આવશે.
ટિકિટ વ્યવસ્થા:
આ ફેરફરના ભાગરૂપે, મુસાફરો તેમની ટિકિટ તે ટ્રેનના ગાર્ડ પાસેથી ખરીદી શકશે. એટલે કે, સ્ટેશન પર બુકિંગ વિંડો નહીં હોય, પરંતુ મુસાફરો માટે ગાર્ડ બુકિંગની વ્યવસ્થા ઉપલબ્ધ રહેશે.
મુસાફરો માટે જરૂરી સૂચનાઓ:
- સંબંધિત ટ્રેનના ગાર્ડ પાસેથી ટિકિટ ખરીદવી જરૂરી રહેશે.
- ટ્રેનોની સમયસૂચિ અને અન્ય વ્યવસ્થાઓ પૂર્વવત રહેશે.
- મુસાફરોએ સમયસર સ્ટેશન પર પહોંચીને ગાર્ડથી ટિકિટ મેળવવાની તૈયારી રાખવી.
નવું સ્ટેશન ગ્રેડિંગ અને તેનું મહત્વ:
- બી-ગ્રેડથી ડી-ગ્રેડ (ફ્લેગ સ્ટેશન)માં ડાઉનગ્રેડ થતાં, બિલખા સ્ટેશન પર સ્થાયી સ્ટાફ નહીં રહે.
- રેલવે પ્રબંધન દ્વારા નવું મોડેલ અપનાવી, મુસાફરો માટે ટિકિટિંગ સરળ અને સુસંગત બનાવવા પ્રયાસ કરવામાં આવશે.
સુવિધા યથાવત:
- ટ્રેનો નિયમિત અને સમયસર ચાલતી રહેશે.
- મુસાફરો માટે કોઈ અસુવિધા નહીં થાય, માત્ર ટિકિટ પ્રક્રિયામાં ફેરફાર થશે.
આ નિર્ણય સાથે, રેલવે તંત્ર દ્વારા ખર્ચ બચાવ અને કાર્યક્ષમતામાં વધારો કરવાનો પ્રયાસ કરવામાં આવી રહ્યો છે.
અહેવાલ: નરેન્દ્ર દવે સાથે જગદીશ યાદવ, જૂનાગઢ