ભાવનગર
14મી જૂન, 2024 (શુક્રવાર) ના રોજ ડિવિઝનલ રેલ્વે હોસ્પિટલ-ભાવનગર ખાતે “વિશ્વ રક્તદાતા દિવસ” ની ઉજવણી કરવામાં આવી હતી. આ દિવસ, જે 2024 માં ઉજવવામાં આવ્યા હતા, તેનું વિશેષ મહત્વ છે કારણ કે તે વિશ્વ રક્તદાતા દિવસની 20મી વર્ષગાંઠ હતી. તેની થીમ “રક્તદાનના 20 વર્ષની ઉજવણી: રક્તદાતાઓનો આભાર માનવા” છે. જેઓ સ્વેચ્છાએ રક્તદાન કરવાનું પસંદ કરે છે તેમના પ્રત્યે કૃતજ્ઞતા વ્યક્ત કરવાની આ એક તક છે.
આ પ્રસંગે મુખ્ય તબીબી અધિક્ષક ડો.સુબોધ કુમાર, એએનઓ મેડમ અને હોસ્પિટલના તમામ સ્ટાફની હાજરીમાં આરોગ્ય વિષયક વાર્તાલાપનું આયોજન કરવામાં આવ્યું હતું, જેમાં શ્રી મગ્ગારામ સીએનએસ અને ડો. દિનેશ ગોહિલે રક્તદાનનું મહત્વ, રક્તદાનથી થતા ફાયદાઓ વિશે ચર્ચા કરી હતી. રક્તદાન, વર્ષની થીમ અને કર્મચારીઓને રક્તદાન કરવા માટે પ્રેરિત કરવા વિશે માહિતી આપવામાં આવી હતી. કાર્યક્રમનું આયોજન ઓપીડી વેઇટિંગ એરિયામાં કરવામાં આવ્યું હતું.
મુખ્ય તબીબી અધિક્ષક ડૉ. સુબોધ કુમારે જણાવ્યું હતું કે કાર્યક્રમ તદ્દન માહિતીપ્રદ હતો. તેમણે કાર્યક્રમમાં ભાગ લેવા બદલ તમામ સન્માનિત ડોકટરો, ANO, નર્સિંગ, ફાર્માસિસ્ટ અને અન્ય તબીબી સ્ટાફનો આભાર માન્યો હતો.
અહેવાલ :- ગુજરાત બ્યુરો
