◆ “5 લિટર મોકલાવું મારા વ્હાલા” થી પ્રખ્યાત સહજ ઓઈલના સ્થાપક શ્રી મનીષભાઈ વાડદોરીયાનું નોબલ યુનિવર્સિટી ખાતે પ્રેરક લેક્ચર
◆ ગુજરાતના ખાદ્યતેલ ઉદ્યોગમાં ક્રાંતિ લાવનાર સહજ ઓઈલ એન્ડ ફૂડ પ્રા. લી. ના સ્થાપક મનીષભાઈ વાડદોરીયા સાથે નોબલ યુનિવર્સિટી ખાતે ભવ્ય ટોક શો નું આયોજન કરવામાં આવ્યું.
◆ “5 લિટર મોકલાવું મારા વ્હાલા” ટેગલાઇનથી પ્રખ્યાત સહજ ઓઈલ એન્ડ ફૂડ પ્રા. લી. એ શુદ્ધ અને ભેળસેળમુક્ત ખાદ્ય તેલના પ્રસાર માટે અનોખી ઓળખ બનાવી છે અને લોકોમાં સાચી જીવનશૈલીની પ્રેરણા ફેલાવી છે.
◆ આ ટોક શોમાં નોબલ યુનિવર્સિટીના વિદ્યાર્થીઓને ઉદ્યોગસાહસિકતા અને જીવનસફળતા અંગે માર્ગદર્શન આપવામાં આવ્યું.
◆ મનીષભાઈ વાડદોરીયાએ જણાવ્યું કે, “નાના પ્રારંભથી ડરશો નહીં; સફળતાની શરૂઆત હંમેશા નાની હોય છે.“
◆ મહત્વની બાબત સંઘર્ષ, દૃઢસંકલ્પ અને ધીરજ રાખવાની છે.
◆ વ્યવસાયનું લક્ષ્ય માત્ર નફો કમાવવું નહીં, પણ સમાજ માટે યોગ્ય ઉકેલ લાવવો જોઈએ.
◆ રોજ નાના સુધારા કરવાથી મોટું પરિણામ મળે – દરરોજ નવું શીખવું અને અપગ્રેડ થવું જરૂરી છે.
◆ ગ્રાહકોની જરૂરિયાતો સમજી, ગુણવત્તામાં સુધારો લાવવો અને મફત માર્કેટિંગ માટે સોશિયલ મીડિયાનો ઉપયોગ કરવો જોઈએ.
◆ હંમેશા સાચું વેચો – ખોટી પ્રેક્ટિસ અને ભેળસેળથી દૂર રહો, અને તમારા ઉત્પાદનની ગેરંટી આપો.
◆ સફળતા તાત્કાલિક નહીં મળે; ધૈર્ય રાખી, મુશ્કેલીઓનો હસતાં મોઢે સામનો કરો.
◆ અંતે, વ્યવસાય માત્ર નફા માટે નહીં, પણ લોકહિત માટે હોવો જોઈએ – ગરીબોની સહાય, ગૌ સેવા અને સ્વસ્થ જીવનશૈલી માટે યોગદાન આપવું જરૂરી છે.
◆ આ ટોક શો નોબલ યુનિવર્સિટાના વિદ્યાર્થીઓ માટે પ્રેરણાસ્ત્રોત બનશે, જેથી તેઓ સફળ ઉદ્યોગસાહસિક બની શકે.
◆ આ તકે, નોબલ યુનિવર્સિટીના પ્રમુખ નીલેશ લેશિયા, ઉપપ્રમુખ ગિરીશ કોટેચા, મેનેજિંગ ટ્રસ્ટી વી.પી. ત્રિવેદી, કો-મેનેજિંગ ટ્રસ્ટી કે.ડી. પંડ્યા, અને કુલપતિ ડૉ. એચ.એન. ખેર દ્વારા સમગ્ર ટીમને શુભેચ્છા પાઠવવામાં આવી.
◆ આયોજન અંગેની માહિતી સંસ્થાના રજીસ્ટ્રાર અને ડીન ડૉ. જય તલાટીએ આપી.
અહેવાલ: નરેન્દ્ર દવે સાથે જગદીશ યાદવ, (જૂનાગઢ)
