ગીર સોમનાથ જિલ્લાના ઉના તાલુકાની વિવિધ શાળાઓમાં શૈક્ષણિક વર્ષ ૨૦૨૫-૨૬ માટે મધ્યાહ્ન ભોજન કેન્દ્રમાં સંચાલકની નિમણૂક માટે અરજીઓ મંગાવવામાં આવી રહી છે.
આ નિમણૂક ભાચા પે-સેન્ટર શાળા, સનખડા સીમ શાળા, સીમર કન્યાશાળા, ઉમેજ-ઉંટવાળા, વરસિંગપુર પ્રાથમિક શાળા, ઉમેજ પૂર્વ સીમ શાળા તથા ઉના નવી કન્યા પે-સેન્ટર શાળાઓમાં કરવામાં આવશે.
જરૂરી છે કે રસ ધરાવતા અરજદારો ૨ જૂન ૨૦૨૫ની રોજ બપોરે ૪ વાગ્યા સુધીમાં ઉના મામલતદાર કચેરીમાં નિયત નમૂનામાં અરજી કરે. અરજીનું નમૂનો કચેરીની પી.એમ.પોષણ યોજના શાખા રૂમ નં. ૪ માંથી મેળવવા મળશે.
આરજીઓમાં તમામ વિગતો સ્પષ્ટ હોવી આવશ્યક છે અને શાળા કે કેન્દ્રનું નામ પણ દર્શાવવું ફરજિયાત છે. અરજી સાથે પ્રમાણપત્રોની નકલ જોડવી ફરજિયાત રહેશે. સમયમર્યાદા પછી મળેલી અથવા અધૂરી અરજીઓ માન્ય નહીં થાય.
સ્થાનિક સ્ત્રી ઉમેદવારોને વિશેષ પ્રાધાન્ય આપવામાં આવશે. જો સ્થાનિક વ્યક્તિ ન મળે તો નજીકના ગામની મહિલા કે વિધવા/ત્યાગી મહિલાઓને પ્રાથમિકતા આપવામાં આવશે. પસંદગી લાયકાત અને અનુભવના આધારે જ કરવામાં આવશે અને પસંદગી સમિતિનો નિર્ણય અંતિમ માન્ય ગણાશે.
ઉના મામલતદાર કચેરીની આ જાહેરાતથી શાળાઓમાં મધ્યાહ્ન ભોજન કેન્દ્રની કામગીરીમાં વધુ અસરકારકતા અને વ્યવસ્થાપન માટે કામ ચલાવાશે એવી અપેક્ષા છે.
અહેવાલ : પ્રકાશ કારાણી, વેરાવળ
