ગુજરાત રાજ્યમાં આવતીકાલે યોજાનાર રાજ્યવ્યાપી મોકડ્રીલના આયોજન અનુસંધાને, આજે ગૃહ રાજ્ય મંત્રી શ્રી હર્ષ સંઘવીની અધ્યક્ષતામાં મહત્વપૂર્ણ બેઠક યોજાઈ હતી. આ બેઠકમાં વિવિધ વિભાગોના ઉચ્ચ અધિકારીઓએ હાજરી આપી હતી, જેમાં ગૃહ વિભાગના અધિક મુખ્ય સચિવ શ્રી એમ.કે. દાસ, મહેસૂલ વિભાગના અધિક મુખ્ય સચિવ શ્રી જયંતિ રવિ, રાજ્યના પોલીસ વડા શ્રી વિકાસ સહાય, હોમગાર્ડ્સ અને સિવિલ ડિફેન્સના ડીજીપી શ્રી મનોજ અગ્રવાલ સહિતના અધિકારીઓ ઉપસ્થિત રહ્યા હતા.
બેઠક દરમિયાન, આવતીકાલે યોજાનાર મોકડ્રીલ માટે તૈયાર કરાયેલા એક્શન પ્લાનની સમીક્ષા કરવામાં આવી હતી. મંત્રીએ તમામ વિભાગોને સુસંગત રીતે સહકાર આપીને મોકડ્રીલને સફળ બનાવવા માટે સૂચનાઓ આપી હતી. તેમણે જણાવ્યું હતું કે, આવી મોકડ્રીલ દ્વારા આપત્તિ સમયે તંત્રની તૈયારી અને પ્રતિસાદ ક્ષમતા સુધારવામાં મદદ મળશે.
આ બેઠકમાં, વિવિધ વિભાગો વચ્ચે સંકલન, સંચાર વ્યવસ્થા, અને તાત્કાલિક પ્રતિસાદ માટેની યોજના પર ચર્ચા કરવામાં આવી હતી. મંત્રીએ અધિકારીઓને સૂચના આપી હતી કે, મોકડ્રીલ દરમિયાન કોઈપણ ખામી ન રહે તે માટે તમામ તૈયારી પૂર્ણ કરવામાં આવે.
આ બેઠકનો મુખ્ય ઉદ્દેશ્ય આવતીકાલે યોજાનાર મોકડ્રીલને સફળ બનાવવા માટે તમામ જરૂરી તૈયારી અને સંકલન સુનિશ્ચિત કરવાનો હતો, જેથી આપત્તિ સમયે તંત્ર ઝડપથી અને અસરકારક રીતે પ્રતિસાદ આપી શકે.
અહેવાલ :- હર્ષ પટેલ વડોદરા
